New Year Rasi Palan makaram in Tamil – புத்தாண்டு ராசி பலன் மகரம்

On 2022-12-30 11:23:32

Today's Horoscope For Aries, Taurus, Gemini, Cancer, Leo, Virgo, Libra, Scorpio, Sagittarius, Capricorn, Aquarius and Pisces. Check out the Daily Rasipalan in Tamil for your Rasi. மேஷம், ரிஷபம், மிதுனம், கடகம், சிம்மம், கன்னி, துலாம், விருச்சிகம், தனுசு, மகரம், கும்பம், மீனம் ஆகிய ராசிகளுக்கான இன்றைய ராசிபலன்கள்.

inraiya rasipalan makaram

புத்தாண்டு ராசி பலன் மகரம் - New Year Rasi Palan for makaram in Tamil

மகரம் ராசி பலன் 2023 (Magaram Rasi Palan 2023 in tamil), எவ்வளவு சிக்கல்கள் இருந்தாலும் உங்களுடைய லட்சியங்களை நிறைவேற்றுவதில் மன உறுதியோடு செயல்படும் மகர ராசி நேயர்களே, சனியின் ராசியில் பிறந்த உங்களுக்கு இது நாள் வரை ஜென்ம ராசியில் சஞ்சரித்த சனி வரும் 17-01-2023 முதல் தன ஸ்தானமான 2-ல் சஞ்சரிக்க உள்ளார். இதன் காரணமாக உங்களுக்கு ஏழரைச் சனியில் ஜென்ம சனி முடிந்தாலும் பாத சனி தொடரும். உங்கள் உடல் ஆரோக்கியமானது சற்று சிறப்பாக இருக்கும். குடும்ப ஸ்தானமான 2-ல் சனி சஞ்சரிக்க இருப்பதால் பேச்சில் சற்று பொறுமையோடு செயல்படுவது, கணவன்- மனைவியிடையே விட்டுக் கொடுத்து செல்வது நல்லது. குறிப்பாக குடும்ப உறுப்பினர்களின் ஆரோக்கியத்திற்கு முக்கியத்துவம் தர வேண்டும். பொருளாதார நிலையானது முன்பை விட தற்போது உங்களுக்கு சாதகமாக இருக்கும் என்றாலும் ஆடம்பர செலவுகளை குறைத்துக் கொள்வது, அதிக முதலீடுகள் கொண்ட செயல்களில் ஒரு முறைக்கு பலமுறை யோசித்து செயல்படுவது நல்லது. ஆண்டுக்கோள் என வர்ணிக்கப்படக்கூடிய குரு வரும் 22-04-2023 வரை 3-ஆம் வீட்டிலும் அதன் பிறகு 4-ஆம் வீட்டிலும் சஞ்சாரம் செய்ய உள்ளார். 2023-ஆம் ஆண்டில் பண விஷயத்தில் நீங்கள் சற்று சிக்கனத்தோடு செயல்படுவது குறிப்பாக கொடுக்கல்- வாங்கல் விஷயத்தில் கவனமாக இருப்பது, பிறருக்கு வாக்குறுதி கொடுப்பதை தவிர்ப்பது நல்லது. ஆண்டின் தொடக்கத்தில் குரு பார்வை ஏழாம் வீட்டுக்கு இருக்கும் என்பதால் குடும்பத்தில் மகிழ்ச்சி தரக்கூடிய மங்களகரமான சுப காரியங்கள் கைகூடக் கூடிய வாய்ப்பு உண்டு. தொழில், வியாபாரத்தில் வேலையாட்கள் ஒத்துழைப்பு அவ்வளவு சிறப்பாக இருக்கும் என எதிர்பார்க்க முடியாது. ஒவ்வொரு செயலிலும் நீங்கள் கண்ணும் கருத்துமாக செயல்பட்டால் போட்ட முதலீட்டை எடுக்கக் கூடிய வாய்ப்பு கிடைக்கும். தொழிலை அபிவிருத்தி செய்ய வேண்டும் என்ற எண்ணங்களை தற்காலிகமாக தவிர்ப்பது மிகவும் நல்லது. குறிப்பாக உங்கள் பெயரில் முதலீடு செய்வதை விட குடும்ப உறுப்பினர்கள் பெயரில் முதலீடு செய்வது மிகவும் நல்லது. கூட்டுத் தொழிலில் கூட்டாளிகளை அனுசரித்து சென்றால் தொழிலில் ஒரு சில அனுகூலமான பலன்களை அடைய முடியும். உத்தியோக ரீதியாக உங்கள் பணியில் கவனத்தோடு செயல்படுவது, பிறர் விஷயத்தில் தலையிடாமல் இருப்பது மிகவும் நல்லது. வேலைபளு இருந்தாலும் அதற்கான ஆதாயங்கள் உங்களுக்கு கிடைக்கும். அதிக அலைச்சல் காரணமாக இருப்பதை அனுபவிக்க இடையூறுகள், ஓய்வு நேரம் குறைய கூடிய ஒரு சூழல் உண்டாகும். சர்ப்ப கிரகமான ராகு, கேது 30-10-2023 வரை 4-ல் ராகு, 10-ல் கேது என சஞ்சரிக்க இருக்கின்றனர். குறிப்பாக வண்டி, வாகனங்கள் மூலம் வீண் செலவுகள், அசையா சொத்துக்கள் மூலமாக எதிர்பாராத செலவுகளை வரும் நாட்களில் எதிர்கொள்ள நேரிடும். 2023-ஆம் ஆண்டில் நீங்கள் எதிலும் சற்று சிக்கனத்தோடு செயல்பட்டால் நிலைமையை சமாளிக்கலாம்.

Click the links to get புத்தாண்டு ராசி பலன் for mesam  rishbam  mithunam  kadagam  simmam  kanni  thulam  viruchigam  thanus  makaram  kumbam  meenam   rasi palan

திருத்தமிழ்
© 2023 ThiruTamil.com . All rights reserved.
Follow Us On
Download Our App
ThiruTamil Calendar App Download Playstore