பொதுவாக 12 வீடுகளில் சந்திரன் எந்த ராசியில் இருக்கிறாரோ அந்த ராசியில் தான் ஒருவர் பிறந்த நட்சத்திரம் அமைகிறது. சந்திரன் ஒரு ராசியை கடந்து வர 27 நாட்கள் ஆகிறது. சூரியனுக்கு அடுத்த நிலையில் இருக்கும் கிரகம் சந்திரன் கிரகமாகும். மனிதனின் கவர்ச்சி தன்மை, சிறந்த ஞாபகத்திறன், தாயார், மனோபலம் ஆகியவற்றிற்கு சந்திரன் காரகனாக இருக்கிறார். சந்திரன் தேய்பிறை காலத்தில் பாதக பலன்களையும், வளர்பிறை காலத்தில் சுப பலன்களையும் தருபவராக இருக்கிறார். எனவே ஒருவர் பிறக்கும் போது சந்திரன் வளர்பிறை அல்லது தேய்பிறை சந்திரனாக இருந்ததை பொறுத்தே அவர்களுக்கான பலன்கள் ஏற்படும்.
1-ம் வீட்டில் சந்திரன் இருந்தால்
சந்திரன் முதல் வீட்டில் இருந்தால் லக்கினத்தில் இருப்பது நல்லது ஆனால் சந்திரனுக்கு அது சொந்த வீடாகவோ அல்லது உச்ச வீடாகவோ இருந்தால் நல்லது நட்பு வீடாக இருந்தாலும் நல்லது வாழ்க்கையில் உயர்வு பெறுவதற்க்கு நல்லது செய்வார். சிற்றின்ப சுகம் நன்றாக அமையும். பந்தயத்தில் வெற்றி பெறுவார் திடீர் பணவரவு இருக்கும்.
2-ம் வீட்டில் சந்திரன் இருந்தால்
2-ல் சந்திரன் செல்வம் தருவார். நன்றாக பேச்சு வரும் அரசாங்கத்தில் நல்ல மதிப்பு இருக்கும் சொத்து சுகம் ஏற்படும். பெயரும் புகழும் உண்டாகக் காரணமாக இருப்பார். நல்ல கல்வி கிடைக்கும் சந்திரன் கெட்டால் செல்வத்தை இழக்க செய்யும். நல்ல பணவரவு இருக்காது. பொதுவாக வளர்பிறையில் நல்லது செய்வார்.
3-ம் வீட்டில் சந்திரன் இருந்தால்
3-ல் சந்திரன் நல்ல நிலையில் இருந்தால் உடல் வலிமையையும் ஆற்றலையும் தருவார். சகோதர சகோதரிகளை ஆதரிப்பார் நல்ல மகிழ்ச்சியான வாழ்க்கை அமையும். மூன்றாவது வீடாக இருப்பதால் அடிக்கடி குறுகிய பயண செய்ய வைப்பார். வாகனம் வசதி கிடைக்கும் சந்திரன் கெட்டால் அனைத்தும் எதிர்மறையாக இருக்கும்.
மேலும் அறிய: சூரியன் எந்த லக்கினத்தில் இருந்தால் என்ன பலன்?
4-ம் வீட்டில் சந்திரன் இருந்தால்
4-ல் இருந்தால் மகிழ்ச்சியான வாழ்வு கிடைக்கும் 4 ஆம் வீடு வீட்டை குறிப்பதால் ஆறு குளம் கடலோரத்தில் வீடு அமையும். நண்பர்களுக்கு உதவி செய்வார். தாய்வழிச்சொத்து கிடைக்கும் கொடை குணம் இருக்கும்.
5-ம் வீட்டில் சந்திரன் இருந்தால்
5-ல் சந்திரன் பலம் பெற்று இருந்தால் பணம் வந்து கொண்டே இருக்கும் நல்ல நண்பர்கள் கிடைப்பார்கள். அதிர்ஷ்ட வாய்ப்பு கிடைக்கும். நல்ல அறிவாற்றலை தருவார் வாழ்க்கையில் உயர்ந்த நிலைய அடையவைப்பார். குழந்தைபாக்கியம் அமையும் ஆனால் பெண் குழந்தைகளே பிறக்கும். சந்திரன் கெட்டால் அனைத்தும் எதிர்மறையாக இருக்கும்.
6-ம் வீட்டில் சந்திரன் இருந்தால்
6-ல் சந்திரன் இருந்தால் சுகபோக வாழ்வு வாழ்பவர். விரோதிகளை உண்டு பண்னுவார். இளம் வயதில் மகிழ்ச்சி குறையும். சந்திரன் அசுபபலன் பெற்று இருந்தால் அடுத்தவருக்கு அடங்கி நடக்கக்கூடிய தன்மையை தருவார்.
7-ம் வீட்டில் சந்திரன் இருந்தால்
7 ஆம் வீட்டில் சந்திரன் இருந்தால் ஜாதகர் ஆணாக இருந்தால் அவர் பெண்களுக்கு அடங்கி நடக்க கூடியவராக இருப்பார்.அழகிய முகம் மற்றும் உடல் தோற்றம் கொண்டிருப்பார். ஜாதகருக்கு அழகான வாழ்க்கை துணை அமையும். வியாபாரத்தில் மிகுதியான லாபங்களை ஈட்டுவார்.
8-ம் வீட்டில் சந்திரன் இருந்தால்
8 ஆம் வீட்டில் சந்திரன் ஒருவரின் ஜாதகத்தில் இருந்தால் அந்த நபர் சிறந்த அறிவாற்றல் மிகுந்தவராக இருப்பார். ஆனால் அவர் அடிக்கடி நோய்கள் பாதிக்கும் வகையில் பலவீனமான உடல் பெற்றிருப்பார். பெருந்தன்மை குணம் அதிகம் பெற்றவராக இருப்பார்கள்.
குரு 12 ராசியில் எந்த ராசியில் இருந்தால் என்ன பலன்கள்?
9-ம் வீட்டில் சந்திரன் இருந்தால்
9-ல் உள்ள சந்திரன் இருந்தால் நல்ல பாக்கியசாலியாக இருப்பார். புத்திரபாக்கியம் இருக்கும். உறவினர்கள் நல்ல உதவி செய்வார்கள். செல்வம் குவியும். சங்கீதம் நாடகம் போன்றவற்றில் ஈடுபாடு அதிகமாகும். அம்மாவின் அரவணைப்பு இருக்கும்.
10-ம் வீட்டில் சந்திரன் இருந்தால்
10-ல் உள்ள சந்திரன் தன் மதத்தின் மீது பற்று ஏற்பட்டு மதம் பிரசாரம் செய்வார். நல்ல செல்வ வளம் சந்திரன் தருவார். வாழ்க்கையில் உன்னதமான பல நல்ல காரியங்களை செய்வார். செய்தொழில்களில் பகைவர்களை வெற்றிக்கொள்ளும் தைரியத்தை தருவார்.
வாழ்க்கையில் பற்றிய எண்ணத்தை இயற்கையாக உண்டுபண்னுவார். தாய்வழியில் நல்லது செய்வார். நண்பர்களிடத்தில் நல்ல நட்பு உண்டுபண்னுவார். தொழில் நுட்பத்துறையில் ஈடுபாடு இருக்கும். வாழ்க்கையில் நல்ல வசதி வாய்ப்பு கிடைக்கும். சிலபேருக்கு அரசாங்கத்தில் வேலை செய்ய வாய்ப்பு கிடைக்கும்.
மேலும் அறிய: கிரகணம் என்றால் என்ன ?
11-ம் வீட்டில் சந்திரன் இருந்தால்
11-ல் உள்ள சந்திரன் மூத்த சகோதர்களின் மூலம் லாபத்தை தருவார். எந்த வேலையை எடுத்தாலும் எளிதில் முடிக்க கூடிய திறமையை தருவார். நல்ல தீர்க்காயுள் ஏற்படும். வேலையாட்கள் மூலம் வருமானம் கிடைக்கும். வெளிநாட்டு பயணங்கள் மீது ஆர்வம் ஏற்படும். அரசாங்கத்தின் மூலம் பெயரும் புகழும் கிடைக்கும். நல்ல செல்வ வளம் சேரும்.
11-ம் வீட்டில் சந்திரன் இருந்தால்
12-ல் உள்ள சந்திரன் பாதங்களில் வலி உண்டாக செய்வான். வாழ்க்கையில் மதிப்பு இழக்க செய்வான். கண் பார்வை மங்க செய்வான். அறிவாற்றல் குறையும். குறுகிய மனப்பான்மை இருக்கும். மனஉளைச்சல் இருக்கும். செலவு கூடும்.
