Sani Peyarchi Rasi Palan in Tamil – சனி பெயர்ச்சி ராசி பலன்

On 2020-01-24 5:41:27

Today's Horoscope For Aries, Taurus, Gemini, Cancer, Leo, Virgo, Libra, Scorpio, Sagittarius, Capricorn, Aquarius and Pisces. Check out the Daily Rasipalan in Tamil for your Rasi. மேஷம், ரிஷபம், மிதுனம், கடகம், சிம்மம், கன்னி, துலாம், விருச்சிகம், தனுசு, மகரம், கும்பம், மீனம் ஆகிய ராசிகளுக்கான இன்றைய ராசிபலன்கள்.

inraiya rasipalan mesam

சனி பெயர்ச்சி ராசி பலன் மேஷம் - Sani Peyarchi Rasi Palan for mesam in Tamil

அசுவனி, பரணி, கிருத்திகை1-ஆம் பாதம்

நிமிர்ந்த நடையும், கனிந்த பார்வையும் கூர்ந்து கவன¤க்கும் ஆற்றலும் கொண்ட மேஷ ராசி நேயர்களே, செவ்வாயின் ராசியில் பிறந்த உங்களுக்கு இதுவரை உங்கள் ராசிக்கு பாக்கிய ஸ்தானமான 9-ல் சஞ்சரித்த சனி பகவான் திருக்கணிதப்படி வரும் 24-01-2020 முதல் 17-01-2023 வரை ஜீவன ஸ்தானமான 10-ஆம் வீட்டில் ஆட்சி பெற்று சஞ்சரிக்க உள்ளார். ஜீவன ஸ்தானமான 10-ல் சனி சஞ்சரிக்க உள்ளதால் உடல் ஆரோக்கியம் சற்று சாதகமாக இருக்கும். பண வரவுகள் சற்று சாதகமாக இருந்தாலும் அதிகம் உழைக்க வேண்டும். தொழில், வியாபாரத்தில் எதிர் நீச்சல் போட வேண்டி இருக்கும். அதிகப்படியான அலைச்சலால் நிம்மதி குறையும். புதிய முயற்சிகளில் மிகவும் கவனமுடன் செயல்படுவது நல்லது. தேவையற்ற மறைமுக எதிர்ப்புகள் மற்றும் போட்டி பொறாமைகளால் லாபங்கள் சற்று குறையும். தொழிலாளர்களின் ஒத்துழைப்பற்ற நிலைகளால் மந்த நிலை நிலவுவதோடு அபிவிருத்தி குறைய கூடிய சூழ்நிலை ஏற்படும். பெரிய முதலீடுகளை ஈடுபடுத்தி செய்ய நினைக்கும் காரியங்களில் சிந்தித்து செயல்படுவது நல்லது. கூட்டாளிகளை அனுசரித்து செல்வது நல்லது. உத்தியோகஸ்தர்கள் எவ்வாளவு தான் பாடுபட்டாலும் நல்ல பெயரை எடுக்க முடியாது. பிறர் செய்யும் தவறுகளுக்கு நீங்களே பொறுப்பேற்க நேரிடும். உடன் பணிபுரிபவர்களால் வேலைபளு அதிகரித்து நீண்ட நேரம் உழைக்க வேண்டியிருக்கும். புதிய வேலை தேடுபவர்கள் கிடைப்பதை பயன்படுத்தி கொள்வது நல்லது.

சனி ஜீவன ஸ்தானமான 10-ஆம் வீட்டில் சஞ்சரிக்கும் இக்காலங்களில் ஆண்டு கோளான குருபகவான் 05-11-2019 முதல் 20-11-2020 வரை பாக்கிய ஸ்தானமான 9-ஆம் வீட்டிலும், 20-11-2021 முதல் 13-04-2022 வரை லாப ஸ்தானமான 11-ஆம் வீட்டிலும் சஞ்சரிக்க இருப்பதால் உங்களின் பொருளாதார நிலை மிக சிறப்பாக இருக்கும். திருமண போன்ற சுப காரியங்கள் கைகூடும். தொழில் உத்தியோகத்தில் வலமான பலனை பெற முடியும். அசையும் அசையா சொத்துகளை வாங்கும் வாய்ப்பு உண்டாகும். குடும்பத்தில் மகிழ்ச்சி ஏற்படும். நெருங்கியவர்களின் ஆதரவு கிட்டும். புத்திர வழியில் மகிழ்ச்சி தர கூடிய நிகழ்ச்சிகள் நடைபெறும். தற்போது 3, 9-ல் சஞ்ரிக்கும் ராகு, கேது வரும் 23-09-2020 முதல் 12-04-2022 முடிய 2, 8-ல் சஞ்சரிக்க இருப்பது அதன் பின் 30-10-2023 முடிய ஜென்ம ராசியில் ராகு, 7-ல் கேது சஞ்சரிக்க இருப்பதால் கணவன்- மனைவி இடையே தேவையற்ற ஒற்றுமை குறைவு ஏற்படலாம். விட்டு கொடுத்து செல்வது நல்லது. நெருங்கியவர்களை அனுசரித்து சென்றால் முன்னேற்றமான பலனை அடைய முடியும் உணவு விஷயத்தில் கட்டுபாடுடன் இருப்பது மூலம் ஆரோக்கியம் சிறப்பாக இருக்கும்.

உடல் ஆரோக்கியம்

உடல் ஆரோக்கியத்தில் சிறுசிறு பாதிப்புகள் தோன்றினாலும் எதையும் சமாளிப்பீர்கள். அன்றாட பணிகளில் சுறுசுறுப்பாக ஈடுபட முடியாத நிலை உண்டாகும். குடும்பத்தில் உள்ளவர்களுக்கு உடல் நிலையில் ஏற்படும் பாதிப்புகளால் மன நிம்மதி குறையும். எடுக்கும் காரியங்களில் விடாமுயற்சியுடன் செயல்பட்டு வெற்றிகளைப் பெறுவீர்கள். தேவையற்ற பயணங்களால் அலைச்சல் அதிகரிக்கும் என்றாலும் ஒரளவுக்கு அனுகூலங்களும் உண்டாகும்.

குடும்பம் பொருளாதாரநிலை

குடும்பத்தில் அவ்வப்போது சிறுசிறு பிரச்சினைகள் தோன்றினாலும் ஒற்றுமை குறையாது. நெருங்கியவர்களை அனுசரித்து நடந்து கொண்டால் அனுகூலமான நற்பலனை பெறுவீர்கள். பொருளாதார நிலை ஓரளவுக்கு திருப்திளிப்பதாக அமையும். திருமண சுபகாரியங்களுக்கான முயற்சிகளில் வெற்றி கிட்டும். குடும்பத் தேவைகள் பூர்த்தியாகும். தேவையற்ற செலவுகளை குறைத்துக் கொண்டால் சேமிக்க முடியும்.

கொடுக்கல்- வாங்கல்

பணவரவுகள் சுமாராக இருக்கும் என்பதால் ஆடம்பர செலவுகளை குறைப்பது எதிலும் சிக்கனமாக இருப்பது நல்லது. கொடுக்கல்- வாங்கலில் ஈடுபட்டு கொண்டு இருப்பவர்கள் பெரிய தொகைகளை ஈடுபடுத்தும் போது மிகவும் கவனமுடன் செயல்பட்டால் மட்டுமே லாபம் அடைய முடியும். உங்களுக்கு தேவையற்ற வம்பு, வழக்குகள் அதிகரிக்கும். நெருங்கியவர்கள் உதவி உங்களுக்கு ஆறுதலாக இருக்கும். கொடுத்த வாக்குறுதிகளை காப்பாற்ற முடியும்.

தொழில், வியாபாரம்

செய்யும் தொழில் வியாபாரத்தில் போட்டி பொறாமைகள் அதிகரிப்பதால் வரவேண்டிய வாய்ப்புகள் தாமதமாகும். இதனால் அபிவிருத்தி சற்று குறையும் என்றாலும் பொருளாதார நிலையில் சற்று சாதகமாக இருக்கும். வேலையாட்கள் உங்களுக்கு வீண் பிரச்சினைகளை ஏற்படுத்துவார்கள் என்பதால் அவர்களை கவனத்துடன் கையாள்வது நல்லது. அரசு வழியில் எதிர்பார்க்கும் உதவிகள் சற்று தாமதமாக கிடைக்கும். வாங்கிய வங்கி கடன்களை செலுத்த முடியாத அளவிற்கு லாபம் குறையும்.

உத்தியோகம்

உத்தியோகஸ்தர்களுக்கு பணியில் முழு மனநிறைவற்ற நிலை உண்டாகும். பணியில் பிறர் செய்யும் தவறுகளுக்கும் சேர்த்தே பொறுப்பேற்க வேண்டியிருக்கும். உடல் நிலையில் உண்டாகக் கூடிய சிறுசிறு பாதிப்புகளால் அடிக்கடி விடுப்பு எடுக்க வேண்டிய சூழ்நிலைகள் உண்டாகும். உயர் அதிகாரிகள் செய்யும் கெடு பிடிகளால் மனநிலையில் நிம்மதிக் குறைவு ஏற்படும். நீண்ட நாட்களாக கிடைக்காமல் இருந்த நிலுவை தொகைகள் தக்க சமயத்தில் கிடைக்கும்.

அரசியல்

அரசியல்வாதிகள் தங்கள் பேச்சில் சற்று நிதானத்தை கடைபிடிப்பது நல்லது. உடனிருபவர்களே துரோகம் செய்ய எண்ணுவார்கள். மக்களுக்கு கொடுத்த வாக்குறுதிகளைக் காப்பாற்றினால் மட்டுமே அவர்களின் ஆதரவுடன் பதவியை தக்க வைத்துக் கொள்ள முடியும். எதிர்பார்க்கும் மாண்புமிகு பதவிகள் சிறு தடைக்கு பின்பு கிடைக்கும். கட்சிப் பணிகளுக்காக அதிகம் செலவுகள் செய்ய நேரிடும். பயணங்களால் அலைச்சல் ஏற்படும்.

விவசாயிகள்

விவசாயிகளுக்கு விளைச்சல்கள் சுமாராக இருக்கும். சந்தையில் விளைபொருட்களுக்கு ஏற்ற விலை எதிர்பார்த்தபடி கிடைக்கப் பெறுவதால் மகிழ்ச்சி அடைவீர்கள். குடும்பத்தில் சுபிட்சமும் சந்தோஷமும் நிறைந்திருக்கும். அரசு வழியில் வரவிருந்த மானிய உதவிகள் தாமதப்படும். சேமிப்பு குறையும். பங்காளிகளிடம் தேவையற்ற கருத்து வேறுப்பாடுகள் ஏற்படும்.

கலைஞர்கள்

வரவேண்டிய வாய்ப்புகள் போட்டிகளால் கைநழுவிப்போகும். கையிலிருக்கும் வாய்ப்புகளை சரியாக பார்த்து கொள்வது நல்லது. நினைத்த கதாபாத்திரத்திரங்களில் நடிக்க முடியாது. பொருளாதார நிலை சற்று சாதகமாக இருக்கும். அதிக அலைச்சலால் சுக வாழ்வு, சொகுசு வாழ்வு பாதிக்கும். சக நடிகர்களுடன் கவனமுடன் பழகுவது நல்லது.

பெண்கள்

உடல்நிலை ஒரளவுக்கு சிறப்பாக இருக்கும். நினைத்த காரியங்கள் நிறைவேறுவதில் சில தடைகளை சந்திக்க நேரிடும் என்றாலும் எதிர் நீச்சல் போட்டாவது வெற்றி பெறுவீர்கள். பணவரவு திருப்திகரமாக இருந்தாலும் வரவுக்கு மீறிய வீண் செலவுகளால் சேமிப்பு குறையும். பணிபுரியும் பெண்கள் உத்தியோகத்தில் நிறைய பிரச்சினைகளை எதிர்கொள்ள நேரிடும். குடும்ப விஷயங்களை பிறரிடம் பகிர்ந்து கொள்வதை தவிர்க்கவும். பேச்சில் கவனம் தேவை.

மாணவ- மாணவியர்

நல்ல மதிப்பெண்களைப் பெற்று பெற்றோர் ஆசிரியர்களின் பாராட்டுதல்களைப் பெறுவீர்கள். அரசு வழியில் வரவேண்டிய உதவிகள் தாமதப்பட்டாலும் எதிர்பாராத உதவிகள் தேடி வரும். உடன்பழகும் நண்பர்களால் சிறுசிறு பிரச்சினைகளை சந்திக்க வேண்டி வரும் என்பதால் கவனம் தேவை. பயணங்களின் போது வேகத்தைக் குறைப்பது நல்லது. விளையாட்டுப் போட்டிகளில் நிதானமுடன் இருக்கவும்.

அதிர்ஷ்டம் அளிப்பவை

எண் - 1,2,3,9, நிறம் - ஆழ்சிவப்பு கிழமை - செவ்வாய்
கல் - பவளம் திசை - தெற்கு தெய்வம் - முருகன்

inraiya rasipalan rishbam

சனி பெயர்ச்சி ராசி பலன் ரிஷபம் - Sani Peyarchi Rasi Palan for rishbam in Tamil

கிருத்திகை 2,3,4-ஆம் பாதங்கள் ரோகிணி, மிருகசீரிஷம் 1,2-ஆம் பாதங்கள்

இனிமையான சுபாவமும், எல்லோரையும் வசீகரப்படுத்த கூடிய ஆற்றலும் கொண்ட ரிஷப ராசி நேயர்களே, சுக்கிரனின் ராசியில் பிறந்த உங்களுக்கு இதுநாள் வரை சனி 8-ல் சஞ்சரித்து அஷ்டமச்சனி நடைபெற்றதால் பல்வேறு வகையில் இன்னல்களை சந்தித்து வந்தீர்கள். உங்கள் ராசிக்கு 9, 10-க்கு அதிபதியான சனிபகவான் தர்மகருமாதிபதி என்பதால் யோககாரகன் ஆகும். திருக்கணிதப்படி வரும் 24-01-2020 முதல் 17-01-2023 வரை பாக்கிய ஸ்தானத்தில் மகர ராசியில் ஆட்சி பெற்று சஞ்சரிக்க இருப்பதால் உங்களுக்கு இருந்த பிரச்சினைகள் எல்லாம் படிப்படியாக குறைந்து ஏற்றம் மிகுந்த பலன்களை அடைவீர்கள். எதிர்பாராத தன வரவுகள் கிடைக்கப் பெற்று செல்வம் செல்வாக்கு உயரும். பழைய கடன்கள் படிப்படியாக குறையும். குடும்பத் தேவைகள் அனைத்தும் பூர்த்தியாகும். நவீனகரமான பொருட்களை வாங்கும் யோகம் உண்டாகும். சிலருக்கு புது வீடு கட்டி குடி போகும் யோகம் கிட்டும். உடல்நிலையில் தெம்பும், உற்சாகமும் உண்டாகி எடுக்கும் காரியங்களை சிறப்புடன் செய்து முடிக்கும் ஆற்றலைப் பெறுவீர்கள். கடந்த கால மருத்துவ செலவுகள் குறையும். கொடுக்கல்---- வாங்கலில் சரளமான நிலை இருக்கும். தொழில், வியாபாரம் செய்பவர்களுக்கு கடந்த கால தேக்கங்கள் விலகி லாபங்கள் அதிகரிக்கும். புதிய தொழில் தொடங்கும் முயற்சிகளில் சாதகப்பலனை அடைவீர்கள். உத்தியோகத்தில் இருந்த பிரச்சினைகள் விலகி நல்ல வாய்ப்புகள் கிடைக்கும். கடந்த கால வேலைபளு குறைந்து பதவி உயர்வுகள், சம்பள உயர்வுகள் கிடைத்து மகிழ்ச்சி ஏற்படும். வெளியூர், வெளிநாடு செல்லும் வாய்ப்புகள் கிடைக்கப் பெற்று எதிர்பாராத பொருளாதார மேன்மை உண்டாகும்.

சனி பாக்கிய ஸ்தானத்தில் சஞ்சரிக்க உள்ள இக்காலத்தில் ஆண்டு கோள் என வர்ணிக்கப்படும் குரு பகவான் உங்கள் ராசிக்கு 9-ஆம் வீட்டில் 20-11-2020 முதல் 20-11-2021 வரையும், 11-ஆம் வீட்டில் 13-04-2022 முதல் 22-04-2023 வரையும் சஞ்சரிக்க உள்ளதால் இக்காலங்களில் உங்கள் பலமும் வலிமையும் கூடும். பொருளாதார நிலை மிக சிறப்பாக இருக்கும். திருமணம் போன்ற சுப காரியங்கள் எளிதில் கைகூடும். நல்ல வரன்கள் தேடி வரும். குடும்பத்தில் மகிழ்ச்சி தரகூடிய நிகழ்ச்சிகள் நடைபெறும். புத்திர பாக்கியம் வேண்டுபவர்களுக்கு சிறப்பான புத்திரபாக்கியம் உண்டாகும். தற்போது 2, 8-ல் சஞ்ரிக்கும் ராகு, கேது வரும் 23-09-2020 முதல் 12-04-2022 முடிய 1, 7-ல் சஞ்சரிக்க இருப்பதால் பேச்சில் நிதானத்தை கடைபிடிப்பது நல்லது. குடும்பத்தில் கணவன்- மனைவியிடையே தேவையற்ற கருத்து வேறுப்பாடுகள் உண்டாகும். கூட்டு குடும்பத்தில் உள்ளவர்கள் மிகவும் எச்சரிக்கையாக இருக்க வேண்டிய காலமாகும். உறவினர்களை அனுசரித்து செல்வது நல்லது. உணவு விஷயத்தில் கட்டுபாடுடன் இருந்தால் ஆரோக்கிய ரீதியாக ஏற்படும் சிறு சிறு பாதிப்புகளை எளிதில் எதிர்கொள்ள முடியும்.

உடல் ஆரோக்கியம்

உடல்நிலை சிறப்பாக இருக்கும். எதிலும் சுறுசுறுப்புடன் செல்படுவீர்கள். உணவு விஷயத்தில் கட்டுபாடுடன் இருந்தால் அன்றாட செயல்களை சிறப்பாக செய்து முடிக்க முடியும். கடந்த கால மருத்துவ செலவுகள் யாவும் படிப்படியாக குறையும். மனைவி பிள்ளைகள் மற்றும் நெருங்கியவர்களின் ஆதரவுகள் உங்களுக்கு மகிழ்ச்சியை அளிக்கும். அடிக்கடி பயணங்கள் மேற்கொள்ள நேரிடும்.

குடும்பம், பொருளாதார நிலை

குடும்பத்தில் மகிழ்ச்சி தர கூடிய இனிய நிகழ்ச்சிகள் நடைபெறும். பொருளாதார நிலை சிறப்பாக இருந்து கடந்த கால கடன்கள் குறையும் யோகம், சேமிப்புகள் அதிகரிக்கும் அமைப்பு உண்டாகும். நவீனகரமான பொருட் சேர்க்கை, வீடு, மனை, வண்டி, வாகனம் வாங்கும் யோகம் ஏற்படும். பிரிந்த உறவினர்களும் தற்போது நட்பு பாராட்டு நிலை உண்டாகும். நீண்ட நாட்களாக தடைப்பட்ட சுபகாரியங்கள் கை கூடும்.

கொடுக்கல்- வாங்கல்

கமிஷன், ஏஜென்ஸி, காண்டிராக்ட் போன்றவற்றில் அற்புதமான லாபம் கிடைக்கும். கொடுக்கல்- வாங்கலில் பெரிய தொகைகளை எளிதில் ஈடுபடுத்தி லாபம் அடைய முடியும். வெளியூர், வெளிநாடு தொடர்புகளால் அனுகூலம் அதிகரிக்கும். கொடுத்த வாக்குறுதிகளை காப்பாற்றுவதால் பெரிய மனிதர்களின் நட்பு ஏற்படும். சேமிப்பு அதிகரிக்கும்.

தொழில், வியாபாரம்

தொழில் வியாபாரத்தில் சிறப்பான முன்னேற்றம் உண்டாகும். இதுநாள் வரை இருந்து வந்த தேக்க நிலைகளும், போட்டி பொறாமைகளும், மறைந்து தொழிலில் நல்ல வளர்ச்சி லாபங்கள் அடையும் யோகம் உண்டாகும். எதிர்பார்க்கும் உதவிகள் அனைத்தும் தக்க சமயத்தில் கிடைக்கும். உடனிருக்கும் வேலையாட்களால் சாதகமான பலன்கள் உண்டாகும்.

உத்தியோகம்

உத்தியோக நிலையில் இதுநாள் வரை தடைப்பட்ட ஊதிய உயர்வு, பதவி உயர்வுகள் யாவும் இனி எளிதில் கிடைக்கும். மேலதிகாரிகளின் பரிபூரண ஒத்துழைப்பும். உடன் பணிபுரிபவர்களின் ஆதரவும் உங்களின் வேலை பளுவை குறைத்துக் கொள்ள உதவும். வெளியூர், வெளிநாடு செல்லும் வாய்ப்புகளும் அதன் மூலம் அனுகூலப்பலன்களும் ஏற்படும்.

அரசியல்

உங்கள் வாழ்வில் பல முன்னேற்றங்களை ஏற்படுத்த கூடிய இனிய காலமாக இருக்கும். இதுநாள் வரை இருந்து வந்த பிரச்சினைகள் அனைத்தும் விலகி பதவிகளில் மேன்மை, நல்ல வாய்ப்புகள் கிடைக்கும். மக்களின் ஆதரவுகள் பெருகும். எடுக்கும் முயற்சிகளில் வெற்றி கிட்டும். உங்கள் மிது இருந்த அவப்பெயர்கள் நீங்கும்.

விவசாயிகள்

பயிர் விளைச்சல் சிறப்பாக இருக்கும். போட்ட முதலீட்டினை எளிதில் எடுத்து விட முடியும். புதிய பூமி, மனை வாங்கும் முயற்சிகளில் அனுகூலங்கள் ஏற்படும். குடும்பத்தில் உள்ளவர்களிடம் விட்டுக் கொடுத்து நடப்பது நல்லது. அரசு வழியில் எதிர்பார்க்கும் உதவிகள் கிடைக்கும். பங்காளிகள் வழியில் இருந்த கருத்து வேறுப்பாடுகள் குறையும்.

கலைஞர்கள்

எதிர்பார்க்கும் கதாபாத்திரங்கள் கிடைக்க பெற்று மகிழ்ச்சி உண்டாகும். கடந்த கால நெருக்கடிகள் விலகி பெயர், புகழ் உயரும். கலை, இசை, நாட்டியம், சங்கீத துறைகளில் உள்ளவர்கள் ஏற்றம் பெறுகின்ற காலமாக இருக்கும். நல்ல வாய்ப்புகள் கிடைத்து புதிய ஒப்பந்தங்களில் கையெழுத்திடும் நிலை ஏற்படும். வெளியூர், வெளிநாடு செல்லும் வாய்ப்புகள் கிடைக்கும்.

பெண்கள்

பொருளாதார நிலை சிறப்பாக அமைந்து குடும்பத்தில் மகிழ்ச்சி நிலவும். மங்களகரமான சுபகாரியங்கள் கைகூடும். பொன் பொருள், ஆடை, ஆபரணங்கள் சேரும். சிலர் புது வீடு கட்டி குடிபுகும் வாய்ப்பு உண்டாகும். உற்றார் உறவினர்களிடையே விட்டு கொடுத்து சென்றால் ஒற்றுமை நிலவும், பணிபுரியும் பெண்களுக்கு வேலையில் திருப்தியும் மன நிறைவும் ஏற்படும்.

மாணவ- மாணவியர்

மந்த நிலை விலகி எதிலும் சுறுசுறுப்புடன் செயல்பட்டு நல்ல பெயர் எடுப்பீர்கள். விளையாட்டுத் துறைகளில் ஈடுபட்டு வெற்றிகளைப் பெறுவீர்கள். நல்ல நண்பர்களின் சேர்க்கை மன மகிழ்ச்சியை உண்டாக்கும். மேற்கல்விக்காக வெளியூர், வெளிநாடு செல்ல கூடிய யோகமும் உண்டாகும். பெற்றோர், ஆசிரியர்களின் ஆதரவுப் சிறப்பாக இருக்கும்.

அதிர்ஷ்டம் அளிப்பவை

எண் - 5,6,8 நிறம் - வெண்மை, நீலம், கிழமை - வெள்ளி, சனி
கல் - வைரம் திசை - தென்கிழக்கு, தெய்வம் - விஷ்ணு, லக்ஷ்மி

inraiya rasipalan mithunam

சனி பெயர்ச்சி ராசி பலன் மிதுனம் - Sani Peyarchi Rasi Palan for mithunam in Tamil

மிருகசீரிஷம் 3,4-ஆம் பாதங்கள், திருவாதிரை, புனர்பூசம் 1,2,3-ஆம் பாதங்கள்

கடினமான காரியங்களையும் எளிதில் செய்து முடிக்க கூடிய ஆற்றல் கொண்ட மிதுன ராசி நேயர்களே, உங்கள் ராசியாதிபதி புதனுக்கு நட்பு கிரகமும் உங்கள் ராசிக்கு 8, 9-க்கும் அதிபதியான சனி பகவான் திருக்கணிதப்படி வரும் 24-01-2020 முதல் 17-01-2023 வரை ஜென்ம ராசிக்கு 8-ல் சஞ்சரிக்க உள்ளதால் அஷ்டமச் சனி தொடங்கிறது. இதனால் தேக ஆரோக்கிய ரீதியாக பாதிப்புகள், உடல் நிலையில் சோர்வு, மந்த நிலை ஏற்படும். குடும்பத்தில் உள்ளவர்களால் மருத்துவ செலவுகள் ஏற்படும். கணவன்- மனைவி விட்டு கொடுத்து செல்வது உத்தமம். உற்றார் உறவினர்களிடம் தேவையற்ற கருத்து வேறுபாடுகள் ஏற்படலாம் என்பதால் முடிந்த வரை பேச்சை குறைத்துக் கொள்வது நல்லது. எடுக்கும் முயற்சிகளில் தடை தாமதங்களை சந்திக்க நேரிடும். எந்த ஒரு காரியத்தையும் எதிர் நீச்சல் போட்டே முடிக்க வேண்டியிருக்கும். பண விஷயங்களில் நம்பியவர்களே துரோகம் செய்வார்கள். கொடுத்த பணத்தை திரும்ப பெற முடியாமல் போகும். பொருளாதார நிலையில் நெருக்கடிகள் ஏற்படுவதால் கடன் வாங்க வேண்டிய சூழ்நிலை ஏற்படும். எதிர்பார்க்கும் உதவிகளும் தாமதப்படும். தொழில், வியாபார ரீதியாக நெருக்கடிகள் ஏற்பட்டு அலைச்சல் டென்ஷன் அதிகரிக்கும். பெரிய முதலீடுகள் கொண்ட செயல்களை செய்யும் போது குடும்ப உறுப்பினர்கள் பெயரில் செய்வது நல்லது. உத்தியோகஸ்தர்கள் பிறர் விஷயங்களில் தலையீடு செய்யாமல் தங்கள் பணிகளில் மட்டும் கவனம் செலுத்துவது உத்தமம். அஷ்டமச்சனி நடைபெற்றாலும் சனி உங்கள் ராசியாதிபதி புதனுக்கு நட்பு கிரகம் என்பதால் பெரிய கெடுதலை செய்ய மாட்டார்.

சனி அஷ்டம ஸ்தானத்தில் சஞ்சரிக்க உள்ள இக்காலத்தில் ஆண்டு கோளான குரு உங்கள் ராசிக்கு சமசப்தம ஸ்தானமான 7-ல் வரும் 20-11-2020 வரையும், 9-ஆம் வீட்டில் 20-11-2021 முதல் 13-04-2022 வரையும் சஞ்சாரம் செய்கின்ற காலத்தில் எதிர்பாராத தனசேர்க்கைகள் ஏற்பட்டு குடும்பத்தேவைகள் ஓரளவுக்கு பூர்த்தியாகும். நெருங்கியவர்கள் ஆதரவாக செயல்படுவார்கள். திருமண சுப காரியங்களுக்கான முயற்சிகளில் சாதகமான பலன்களைப் பெறுவீர்கள். கொடுக்கல்- வாங்கலில் ஓரளவுக்கு லாபம் அமையும். பெரிய முதலீடுகளை ஈடுபடுத்தி செய்ய நினைக்கும் காரியங்களில் சற்று கவனமுடன் செயல்பட்டால் அனுகூலமானப் பலனை அடையலாம்.

வரும் 23-09-2020 வரை ஜென்ம ராசியில் ராகு, 7-ல் கேது சஞ்சரிப்பதால் கணவன்- மனைவி இடையே விட்டு கொடுத்து செல்வது நல்லது. சர்ப கிரகமான கேது உங்கள் ராசிக்கு 6-ல் 23-09-2020 முதல் 12-04-2022 முடியவும், 12-04-2022 முதல் 30-10-2023 முடிய ராகு 11-ல் சஞ்சரிக்க இருப்பதும் சாதகமான அமைப்பு என்பதால் எதிர்பாராத உதவிகள் கிடைத்து எந்த வித நெருக்கடிகளையும் சமாளிக்கும் ஆற்றல் உண்டாகும்.

உடல் ஆரோக்கியம்

உடல் நிலையில் சற்று கவனம் செலுத்த வேண்டிய காலமாகும். அவ்வப்போது பாதிப்புகள் ஏற்பட்டு மருத்துவ செலவுகளை உண்டாக்கும். மனைவி, பிள்ளைகளால் மருத்துவ செலவுகள் ஏற்படும். குடும்பத்தில் உண்டாக கூடிய பிரச்சினைகளால் மன நிம்மதியற்ற நிலை ஏற்படும். எடுக்கும் முயற்சிகளில் தடை தாமதங்கள் உண்டாகும். தேவையற்ற பயணங்களால் உடல்நிலை சோர்வடையும்.

குடும்பம், பொருளாதார நிலை

கணவன்- மனைவியிடையே ஒற்றமை குறையும். பொருளாதார நிலையில் நெருக்கடிகள் ஏற்பட்டு குடும்பத்தின் தேவைகளை பூர்த்தி செய்யவே கஷ்டப்பட வேண்டியிருக்கும். கடன்கள் அதிகரிக்கும் என்பதால் ஆடம்பர செலவுகளை குறைத்துக் கொள்வது நல்லது. உற்றார்- உறவினர்களிடையே உண்டாக கூடிய கருத்து வேறுபாடுகளால் மங்களகரமான சுபகாரியங்கள் தாமதம் ஆகும். புத்திரர்கள் உங்கள் பேச்சை மதிக்காமல் நடப்பதால் வீண் மன சஞ்சலங்கள் உண்டாகும்.

கொடுக்கல்- வாங்கல்

கமிஷன், ஏஜென்ஸி, காண்டிராக்ட் துறையில் உள்ளவர்கள் எதிலும் சற்று கவனமுடன் செயல்படுவது நல்லது. கொடுக்கல்-- வாங்கல் சுமாரான லாபத்தை தரும். பிறருக்கு வாக்குறுதி கொடுப்பது, முன் ஜாமீன் கொடுப்பது போன்றவற்றை தவிர்ப்பது உத்தமம். உங்களுக்குள்ள வம்பு வழக்குகளில் இழபறி நிலை இருக்கும். உடன் பழகுபவர்களிடம் சற்று கவனமுடன் இருப்பது நல்லது.

தொழில், வியாபாரம்

தொழில் வியாபாரத்தில் மந்தமான நிலை நிலவும். எதிர்பார்க்கும் உதவிகளும் தாமதப்படும். நிறைய போட்டி பொறாமைகள் நிலவுவதால் லாபம் குறைந்து அபிவிருத்தி தடைப்படும். கூட்டாளிகளை மிகவும் அனுசரித்து செல்ல வேண்டியிருக்கும். புதிய முயற்சிகளில் எதிர்நீச்சல் போட்டே லாபத்தினைப் பெற முடியும். பெரிய முதலீடுகளை ஈடுபடுத்துவதில் கவனமுடன் நடந்து கொண்டால் ஓரளவுக்கு நற்பலனை அடைய முடியும்.

உத்தியோகம்

உத்தியோகஸ்தர்கள் எதிர்பார்க்கும் உயர்வுகள் தாமதப்படும். பணியில் கவனக்குறைவுடன் செயல்பட்டு அதிகாரிகளின் அதிருப்திக்கு ஆளாக நேரிடும். எதிர்பாராத இட மாற்றங்களால் வீண் அலைச்சல் அதிகரிக்கும். பிறர் செய்யும் தவறுகளுக்கும் நீங்கள் பொறுப்பேற்க கூடும் என்பதால் எதிலும் கவனம் தேவை. உடனிருப்பவர்களின் ஒத்துழைப்புகள் கிடைக்காததால் வேலைபளு அதிகரிக்கும்.

அரசியல்

எதிர்பார்க்கும் பெரிய பதவிகள் கிடைக்காவிட்டாலும் பெயர், புகழுக்கு பங்கம் ஏற்படாது. பண வருவாய் சுமாராக இருக்கும். உடனிருப்பவர்களே துரோகம் செய்ய எண்ணுவார்கள். மக்களுக்கு கொடுத்த வாக்குறுதிகளை காப்பாற்ற முடியாமல் அவர்களின் அதிருப்திக்கு ஆளாக நேரிடும். மேடை பேச்சுகளில் கவனமுடன் இருப்பது நல்லது.

விவசாயிகள்

பயிர் விளைச்சல் சுமாராக இருப்பதால் பொருளாதார நிலையும் சுமாராகத்தான் இருக்கும். பூமி, மனை போன்றவற்றால் சிறுசிறு வீண் செலவுகள் உண்டாகும். அரசு வழியில் எதிர்பார்க்கும் உதவிகள் சற்று தாமதப்படும். பங்காளிகளால் பிரச்சினைகள் ஏற்பட்டு மன அமைதி குறையும். உடனிருப்பவர்களிடம் பேச்சில் நிதானம் தேவை.

கலைஞர்கள்

தொழிலில் நிறைய போட்டிகள் உண்டாவதால் வர வேண்டிய வாய்ப்புகள் குறையும். பண விஷயத்தில் மறைமுக எதிர்ப்புகளை சமாளிக்க வேண்டி இருக்கும். ஆடம்பர செலவுகளால் கடன்கள் உண்டாகும். புதிய ஒப்பந்தங்களில் கையெழுத்திடும் போது கவனம் தேவை. கையிலிருக்கும் வாய்ப்புகளை நழுவ விடாமல் பயன்படுத்திக் கொள்வது உத்தமம். பயணங்களால் அலைச்சல் அதிகரிக்கும்.

பெண்கள்

உடல் நிலையில் அக்கறை செலுத்த வேண்டியிருக்கும். கணவன்--- மனைவியிடையே ஒற்றுமை குறையக்கூடிய சூழ்நிலைகள் உண்டாகும். பொருளாதார நிலையில் பற்றாகுறைகள் ஏற்படும். உற்றார் உறவினர்கள் உங்களுக்கு வீண் செலவுகளையும், பிரச்சினைகளையும் உண்டாக்குவார்கள். எதிர்பார்க்கும் உதவிகளும் தாமதப்படுவதால் கடன்கள் வாங்க வேண்டி இருக்கும். முடிந்தவரை அனைவரையும் அனுசரித்து செல்வது உத்தமம்.

மாணவ- மாணவியர்

கல்வியில் மந்தநிலை உண்டாகும். உடல்நிலையில் சோர்வு ஏற்பட்டு அடிக்கடி விடுப்பு எடுக்க வேண்டி இருக்கும். தேவையற்ற பொழுது போக்குகளையும் பழக்கவழக்கங்களையும் தவிர்ப்பது நல்லது. பெற்றோர் ஆசிரியர்களின் ஆதரவைப் பெற கல்வியில் கவனம் செலுத்துவது நல்லது. கல்விக்காக பயணங்கள் மேற்கொள்ளக்கூடிய சூழ்நிலைகள் உண்டாகும்.

அதிர்ஷ்டம் அளிப்பவை

எண் - 5,6,8, நிறம் - பச்சை, வெள்ளை, கிழமை - புதன், வெள்ளி
கல் - மரகதம் திசை - வடக்கு தெய்வம் - விஷ்ணு

inraiya rasipalan kadagam

சனி பெயர்ச்சி ராசி பலன் கடகம் - Sani Peyarchi Rasi Palan for kadagam in Tamil

புனர்பூசம் 4-ஆம் பாதம், பூசம், ஆயில்யம்

சாந்தமான குணமும், சகிப்புத்தன்மையும், எதிலும் சுறுசுறுப்பாக செயல்படக் கூடிய ஆற்றலும் கொண்ட கடக ராசி நேயர்களே, சந்திரனின் ராசியில் பிறந்த உங்களுக்கு ஒரு ராசியில் நீண்ட நாட்கள் சஞ்சரிக்கும் கிரகமான சனி பகவான் தனது சொந்த வீடான மகர ராசியில் சமசப்தம ஸ்தாமான 7-ஆம் வீட்டில் திருக்கணித சித்தாந்தபடி வரும் 24-01-2020 முதல் 17-01-2023 வரை சஞ்சாரம் செய்ய உள்ளார். சனி 7-ல் சஞ்சாரம் செய்வது கண்டச்சனி என்பதால் ஏற்ற தாழ்வான பலன்கள் உண்டாகும். பண வரவுகள் சுமாராக இருக்கும். உடல் நிலையில் கவனம் செலுத்துவது நல்லது. களத்திர ஸ்தானத்தில் சனி சஞ்சரிப்பதால் கணவன்- மனைவி இடையே தேவையற்ற கருத்து வேறுபாடுகள் உண்டாகும். ஜென்ம ராசி, 4, 9 ஆகிய ஸ்தானங்களை பார்வை செய்வதால் எல்லாம் இருந்தும் அனுபவிக்க முடியாதபடி சுகவாழ்வு, சொகுசு வாழ்வில் பாதிப்பு உண்டாகும். உற்றார் உறவினர்கள் தேவையற்ற பிரச்சினைகளை ஏற்படுத்துவார்கள். தொழில், வியாபாரம் செய்பவர்கள் கூட்டாளிகளையும், சக நண்பர்களையும் அனுசரித்து செல்வது நல்லது. எடுக்கும் முயற்சிகளில் எதிர் நீச்சல் போட்டே முன்னேற வேண்டியிருக்கும். பேச்சில் நிதானத்தை கடைபிடிப்பதும் முன் கோபத்தை குறைத்துக் கொள்வதும் நற்பலனை தரும். அசையும், அசையா சொத்துகளால் வீண் செலவுகள் உண்டாகும். கொடுக்கல்- வாங்கலில் மற்றவர்களுக்கு முன்ஜாமின், வாக்குறுதி கொடுப்பதை தவிர்க்கவும். உத்தியோகஸ்தர்களுக்கு எதிர்பார்க்கும் உயர்வுகளும், நல்ல வாய்ப்புகளும் கிடைக்கும் என்றாலும் சக ஊழியர்களிடம் கருத்து வேறுபாடுகள் ஏற்படலாம் என்பதால் விட்டு கொடுத்து செல்வது நல்லது.

சனி 7-ல் சஞ்சரிக்கும் இக்காலங்களில் குருபகவான் 20-11-2020 முதல் 20-11-2021 வரை 7-ஆம் வீட்டிலும், 13-04-2022 முதல் 22-04-2023 வரை 9-ஆம் வீட்டிலும் சஞ்சரிக்கவுள்ள காலங்கள் சகலவிதத்திலும் ஏற்றத்தை உண்டாக்கும் காலமாக உங்களுக்கு இருக்கும். குடும்பத்தில் மகிழ்ச்சி நிலவும். திருமண சுபகாரியங்கள் எளிதில் கைகூடி மகிழ்ச்சி அளிக்கும். மணமானவர்களுக்கு புத்திர பாக்கியம் அமையும். பொருளாதார நிலை சிறப்பாக அமைவதால் அசையும் அசையா சொத்துகள் வாங்கும் யோகம் உண்டாகும். உற்றார்- உறவினர்களிடம் சுமுகமான நிலை நிலவும். எடுக்கும் முயற்சிகளின் வெற்றி கிட்டும். கொடுக்கல்- வாங்கலில் நல்ல லாபம் கிடைக்கும். கொடுத்த வாக்குறுதிகளை காப்பாற்ற முடியும். தொழில், வியாபாரத்தில் வளர்ச்சி ஏற்படும். வெளியூர், வெளிநாடுகள் மூலம் அனுகூலம் உண்டாகும். சர்ப கிரகமான கேது உங்கள் ராசிக்கு 6-ல் வரும் 01-09-2020 வரையும், ராகு 11-ல் வரும் 23-09-2020 முதல் 12-04-2022 வரையும் சஞ்சரிக்க இருப்பதும் உங்களது பலத்தை அதிகரிக்கும் அமைப்பு என்பதால் இக்காலங்களில் எதிர்பாராத அனுகூலங்கள் உண்டாகும்.

உடல்ஆரோக்கியம்

உடல் நிலையில் சோர்வு மந்தமான நிலை உண்டாகும். உணவு விஷயத்தில் கட்டுபாடுடன் செயல்படுவது நல்லது. மனைவி, மக்களுக்கும் உடல் நிலையில் சிறுசிறு பாதிப்புகள் ஏற்பட்டு மருத்துவ செலவுகளை உண்டாக்கும். தேவையற்ற பயணங்களால் அலைச்சல் டென்ஷன் உண்டாகும். குடும்பத்தில் உண்டாகும் பிரச்சினைகள் மன குழப்பத்தை ஏற்படுத்தும் என்றாலும் பெரிய கெடுதிகள் உண்டாகாது.

குடும்பம் பொருளாதாரநிலை

பொருளாதாரநிலை திருப்தியளிப்பதாக இருக்கும். அசையும் அசையா சொத்துக்களை வாங்கும் வாய்ப்பு அமையும். பொன், பொருள் சேரும். திருமண சுப காரியங்கள் சிறு தடைக்கு பின்பு கைகூடும். கணவன்- மனைவி இடையே சிறுசிறு கருத்து வேறுபாடுகள் தோன்றினாலும் ஒற்றுமை குறையாது. உற்றார்- உறவினர்களிடையே விட்டு கொடுத்து நடந்து கொள்வது நல்லது.

கொடுக்கல்- வாங்கல்

கமிஷன், ஏஜென்ஸி, காண்டிராக்ட் போன்றவற்றில் கவனத்துடன் செயல்பட்டால் எதிர்பார்க்கும் லாபம் கிடைக்கும். கொடுக்கல்- வாங்கலில் பெரிய தொகைகளை பிறருக்கு கடனாக கொடுக்கும் போது சிந்தித்து செயல்படுவது நல்லது. பண விஷயத்தில் பிறருக்கு வாக்குறுதி கொடுப்பது முன்ஜாமின் கொடுப்பதில் முன்னெச்சரிக்கையுடன் செயல்படுவது நல்லது.

தொழில், வியாபாரம்

தொழில், வியாபாரம் நல்ல முறையில் நடைபெறும். நவீன தொழில் நுட்பத்தை பயன்படுத்தி உயர்வினை சந்திப்பீர்கள். வேலையாட்களையும் கூட்டாளிகளையும் அனுசரித்து செல்ல வேண்டியிருக்கும். வெளிநாட்டுத் தொடர்புகளால் ஓரளவுக்கு முனனேற்றமானப் பலன்கள் உண்டாகும். பெரிய முதலீடுகளை ஈடுபடுத்தும் போது மிகவும் கவனம் தேவை.

உத்தியோகம்

உத்தியோகஸ்தர்கள் எதிர்பார்க்கும் உயர்வுகள் கிடைக்கப் பெற்றாலும் வேலைபளு அதிகரிப்பதால் அதிக நேரம் உழைக்க வேண்டியிருக்கும். திறமைகளுக்கேற்ற பாராட்டுதல்களும், அதிகாரிகளின் ஆதரவுகளும் மனமகிழ்ச்சியை உண்டாக்கும். சக நண்பர்களை அனுசரித்து செல்வது மூலம் எதை சமாளிக்க முடியும். வெளிநாடு சென்று பணிபுரிய விரும்புபவர்களுக்கு சிறு தடைகளுக்கு பின் அனுகூலம் உண்டாகும்.

அரசியல்

சிறுசிறு சோதனைகளை சந்தித்தாலும் பதவிக்கு பங்கம் வராது. கொடுத்த வாக்குறுதிகளை காப்பாற்றுவதால் மக்களின் ஆதரவு சிறப்பாகவே அமையும். மேடை பேச்சுகளில் சற்று கவனமுடன் இருப்பது, உடனிருப்பவர்களை அனுசரித்து செல்வது உத்தமம். கட்சிப் பணிகளுக்காக அடிக்கடி பயணங்கள் மேற்கொள்ளக்கூடிய சூழ்நிலைகள் உருவாகி அலைச்சல் அதிகரிக்கும்.

விவசாயிகள்

பயிர் விளைச்சல் சுமாராக இருக்கும். பட்ட பாட்டிற்கான பலனைப் பெற சற்று எதிர்நீச்சல் போட வேண்டி வரும். பணவரவுகளும் சுமாராகத் தானிருக்கும். புதிய பூமி மனை போன்றவற்றால் ஒரளவுக்கு அனுகூலம் உண்டாகும். கால்நடைகளை வாங்குவீர்கள். உற்றார் உறவினர்களை சற்று அனுசரித்துச் செல்வது நல்லது.

கலைஞர்கள்

தொழில் ரீதியாக சில போட்டிகளை சந்தித்தாலும் உங்களுக்கு கிடைக்க வேண்டிய வாய்ப்புகள் தடைபடாது. எதிர்பார்க்கும் வாய்ப்புகளுக்காகக் காத்திருக்காமல் கிடைப்பதை பயன்படுத்திக் கொள்வது நல்லது. வெளிநாடு பயணங்களால் சற்றே அலைச்சல்கள் ஏற்பட்டாலும் பொருளாதார நிலையை உயர்த்திக் கொள்ள முடியும். மறைமுக எதிர்ப்புகளும் இருக்கும்.

பெண்கள்

கணவன்- மனைவியிடையே விட்டு கொடுத்து செல்வது நல்லது. மணமாகாத மங்கையருக்கு சில தடைகளுக்குப்பின் சுபகாரியம் நடந்தேறும். சிலருக்கு சிறப்பான புத்திர பாக்கியம் உண்டாகும். பொருளாதார நிலை திருப்தியளிக்கும். பொன், பொருள் ஆடை ஆபரணம் சேரும். நவீன பொருட் சேர்க்கைகள் உண்டாகும். நினைத்த காரியங்கள் நிறைவேறும். ஆடம்பர செலவுகளை குறைத்துக் கொள்வது உத்தமம்.

மாணவ- மாணவியர்

கல்வியில் முழு ஈடுபாடுட்டுடன் செயல்பட்டால் மட்டுமே எதிர்பார்த்த மதிப்பெண்களைப் பெறமுடியும். முடிந்தவரை தேவையற்ற நட்புகளை தவிர்ப்பது நல்லது. எடுக்கும் முயற்சிகளில் எதிர்நீச்சல் போட வேண்டியிருக்கும். அரசு வழியில் எதிர்பார்க்கும் மானிய உதவிகள் தாமதப்படும். பெற்றோர், ஆசிரியர்களின் ஆதரவு ஒரளவுக்கு சிறப்பாகவே இருக்கும்.

அதிர்ஷ்டம் அளிப்பவை

எண் - 1,2,3,9 நிறம் - வெள்ளை, சிவப்பு கிழமை - திங்கள், வியாழன்
கல் - முத்து திசை - வடகிழக்கு தெய்வம் - வெங்கடாசலபதி

inraiya rasipalan simmam

சனி பெயர்ச்சி ராசி பலன் சிம்மம் - Sani Peyarchi Rasi Palan for simmam in Tamil

மகம், பூரம், உத்திரம்1-ஆம் பாதம்.

அஞ்சா நெஞ்சமும், பிறருக்கு அடி பணியாத குணமும், உயர்ந்த எண்ணங்களும் கொண்ட சிம்ம ராசி நேயர்களே, சூரியனின் ராசியில் பிறந்த உங்களுக்கு இதுநாள் வரை 5-ல் சஞ்சரித்த சனி திருக்கணிதப்படி வரும் 24-01-2020 முதல் 17-01-2023 வரை ருணரோக ஸ்தானமான 6-ஆம் வீட்டில் ஆட்சி பெற்று சஞ்சாரம் செய்ய இருப்பதால் உங்கள் பலமும், வலிமையும் கூடும். நீண்ட நாட்களாக நீங்கள் கண்ட கணவுகள் எல்லாம் நிறைவேறும். உடல் ஆரோக்கியம் சிறப்பாக இருந்து அன்றாட பணிகளில் சுறுசுறுப்புடன் செயல்பட முடியும். கடந்த கால மனக்கவலைகள் எல்லாம் விலகி எதிலும் நிம்மதி ஏற்படும். கணவன்- மனைவி இடையே ஒற்றுமையும் அன்யோன்யமும் அதிகரிக்கும். அசையும், அசையா சொத்துகளில் இருந்த வந்த வம்பு வழக்குகள் ஒரு முடிவுக்கு வரும். வீடு வாகனங்கள் வாங்க கூடிய யோகம் உண்டாகும். நெருங்கியவர்களிடையே இருந்த கருத்து வேறுபாடுகள் மறையும். குடும்பத்தில் மங்களகரமான சுபகாரியங்கள் கைகூடும். கொடுக்கல்- வாங்கலில் பெரிய தொகைகளை ஈடுபடுத்தி லாபம் காண முடியும். தொழில் வியாபாரத்தில் இருந்த போட்டிகள் விலகி லாபகரமான பலன்கள் உண்டாகும். புதிய தொழில் தொடங்க வேண்டும் என்ற எண்ணங்கள் நிறைவேறி மகிழ்ச்சி உண்டாகும். கூட்டாளிகளின் ஒற்றுமையான செயல்பாடுகளால் அபிவிருத்தியும் பெருகும். உத்தியோகத்தில் இருப்பவர்களுக்கு உயர்பதவிகள் தேடி வரும். உயரதிகாரிகளின் பாராட்டுதல்களும், உடன் பணிபுரிபவர்களின் ஆதரவுகளும் சிறப்பாக இருக்கும். எதிர்பார்த்த இடமாற்றங்களும் கிடைக்கப் பெறுவதால் குடும்பத்தோடு சேர்ந்து மகிழ்வீர்கள். வெளியூர், வெளிநாட்டு தொடர்புடையவற்றால் லாபங்கள் பெருகும். உங்களுக்கு இருந்து வந்த கடன் பிரச்சினைகள் குறையும்.

சனி சாதகமாக 6-ல் சஞ்சரிக்கும் இக்காலங்களில் குரு பஞ்சம ஸ்தானமான 5-ஆம் வீட்டில் வரும் 20-11-2020 வரையும், 7-ஆம் வீட்டில் 20-11-2021 முதல் 13-04-2022 வரையும் சஞ்சாரம் செய்கின்ற காலத்தில் மேலும் அனுகூலமான பலன்கள் ஏற்பட்டு உங்களது பொருளாதார நிலை மிக சிறப்பாக இருக்கும். பணம் பல வழிகளில் வரும். திருமண வயதை அடைந்தவர்களுக்கு நல்ல வரன்கள் தேடி வரும். குடும்பத்தில் மகிழ்ச்சியும் சுபிட்சமும் நிறைந்திருக்கும். புத்திரபாக்கியம் வேண்டுபவர்களுக்கு புத்திர பாக்கியம் அமையும். பூர்வீக சொத்து ரீதியாக இருந்த பிரச்சினைகள் ஒரு முடிவுக்கு வரும். அதிநவீன பொருட்களை வாங்கும் வாய்ப்புகள் அமையும். சர்ப கிரகமான ராகு லாப ஸ்தானத்தில் 23-09-2020 வரை சஞ்சரிப்பதும், கேது வரும் 12-04-2022 முதல் 30-10-2023 வரை முயற்சி ஸ்தானமான 3-ல் சஞ்சரிக்க இருப்பதும் மிக சிறப்பான அமைப்பு என்பதால் எல்லா வகையிலும் முன்னேற்ற பலன்களை அடைய முடியும்.

உடல்ஆரோக்கியம்

உடல் நிலை அற்புதமாக அமையப் பெற்று உங்கள் பலமும் வலிமையும் கூடும். எதிலும் முழு ஈடுபாட்டுடன் செயல்பட்டு பல்வேறு வகையில் ஏற்றம் அடைவீர்கள். குடும்பத்தில் உள்ளவர்களும் சுபிட்சமாக இருப்பதால் வீண் செலவுகள் குறையும். மகிழ்ச்சி தர கூடிய நிகழ்ச்சிகள் நடைபெற்று மனநிறைவு ஏற்படும். நினைத்த காரியங்கள் நிறைவேறும். பயணங்களால் அனுகூலமான பலன்கள் உண்டாகும்.

குடும்பம் பொருளாதார நிலை

குடும்ப வாழ்வில் மகிழ்ச்சியும் சுபிட்சமும் உண்டாகும். கணவன்- மனைவி இடையே அன்யோன்யம் சிறப்பாக இருக்கும். மங்களகரமான சுப காரியங்கள் கைகூடி மகிழ்ச்சியளிக்கும். தாராளமான தனவரவுகளால் தேவைகள் அனைத்தும் பூர்த்தியாகும். வீடு, மனை வாங்கும் முயற்சிகளில் சாதகமான பலன்கள் ஏற்படும். உறவினர்களிடம் சுமூகமான நிலை ஏற்படும். கடன்கள் குறைந்து சேமிக்க முடியும்.

கொடுக்கல்- வாங்கல்

பொருளாதார நிலை சிறப்பாக இருக்கும். பெரிய முதலீடுகளை எளிதில் ஈடுபடுத்தி லாபம் காண முடியும். கொடுத்த கடன்கள் திருப்திகரமாக வசூலாகும். உங்களுக்குள்ள வம்பு வழக்குகளில் தீர்ப்பு சாதகமாக வரும். கடன்கள் குறையும். கொடுத்த வாக்குறுதிகளை சரியான நேரத்தில் காப்பாற்ற முடியும். பெரிய மனிதர்களின் ஆதரவு கிட்டும். வெளி வட்டார தொடர்புகள் விரிவடையும்.

தொழில், வியாபாரம்

தொழில் வியாபாரத்தில் நல்ல லாபம் கிட்டும். புதிய வாய்ப்புகள் தேடி வரும். கடந்த கால போட்டிகள் விலகும். புதிய தொழில் தொடங்கும் முயற்சிகள் மற்றும் பழைய தொழிலை விரிவுபடுத்தும் நோக்கங்கள் யாவும் வெற்றியை கொடுக்கும். வெளியூர், வெளிநாட்டு தொடர்புகளால் சிறப்பான லாபம் கிடைக்கும். வேலையாட்கள் சாதகமாக இருப்பதால் பல்வேறு வகையில் முன்னேற்றங்கள் உண்டாகும்.

உத்தியோகம்

உத்தியோகஸ்தர்கள் எதிலும் அனுகூலமானப் பலன்களை அடைவார்கள். கூடுதல் பொறுப்புகளும் வேலைபளுவும் சற்று அதிகரித்தாலும் எதையும் எளிதில் செய்து முடிக்க கூடிய அளவிற்கு ஆற்றல் உண்டாகும். எதிர்பார்த்த பதவி உயர்வுகளும், பாராட்டுதல்களும் கிடைக்கும். சிலருக்கு இடமாற்றங்களையும் கிடைக்கப் பெற்று குடும்பத்தோடு நிம்மதியாக வாழும் அமைப்பு உண்டாகும்.

அரசியல்

உங்களின் செல்வம், செல்வாக்கு உயர கூடிய காலமாகும். பெரிய மனிதர்களின் சந்திப்பும் அதனால் அனுகூலமும் உண்டாகும். உங்களின் பேச்சுகளுக்கு ஆதரவுகள் அதிகரிக்கும். பொருளாதார நிலையில் உயர்வை சந்திப்பீர்கள். பயணங்களால் அனுகூலம் உண்டாகும். எடுக்கும் முயற்சிகளில் தடையின்றி வெற்றி கிட்டும்.

விவசாயிகள்

பயிர் விளைச்சல் மிகச் சிறப்பாக இருக்கும். சந்தையில் விளை பொருளுக்கேற்ற விலை தாராளமாகக் கிடைக்கும். நவீனகரமான புதிய முயற்சிகளில் அனுகூலமான பலனை பெற முடியும். புதிய பூமி, மனை வாங்கும் வாய்ப்பு கிட்டும். பூர்வீக சொத்துக்கள் கைக்கு வந்து சேரும். கடந்த கால வம்பு, வழக்குகள் உங்களுக்கு சாதகமாக முடியும்.

கலைஞர்கள்

எதிர்பார்த்துக் காத்திருந்த நல்ல வாய்ப்புகள் கிடைக்கப் பெற்று திறமைகளை வெளிப்படுத்துவீர்கள். சம்பளத் தொகைகளும் விரிவடைவதால் பொருளாதார நிலையும் உயரும். தொழிலில் உங்களுக்கு ஏற்பட்டிருந்த பிரச்சினைகள் போட்டி, பொறாமைகள் யாவும் படிப்படியாக குறையும். வெளியூர், வெளிநாடுகள் செல்ல கூடிய வாய்ப்புகள் உண்டாகும். ரசிகர்களின் ஆதரவு பெருகும்.

பெண்கள்

குடும்ப வாழ்வில் நிம்மதியும் மகிழ்ச்சியும் உண்டாகும். கணவன்- மனைவி உறவு சிறப்பாக இருக்கும். பொருளாதார நிலை உயர்வாக இருப்பதால் குடும்பத் தேவைகள் அனைத்தும் பூர்த்தியாகும். பொன் பொருள் சேரும். வீடு, மனை வாங்கும் யோகம் ஏற்படும். திருமண வயதை அடைந்தவர்களுக்கு நல்ல வரன்கள் தேடி வரும். புத்திரர்களால் மகிழ்ச்சி தரக்கூடிய நிகழ்ச்சிகள் நடைபெறும்.

மாணவ- மாணவியர்

நல்ல அறிவாற்றல், பேச்சாற்றல், ஞாபகசக்தி போன்றவற்றால் நல்ல மதிப்பெண்களைப் பெற்று பள்ளி கல்லூரிகளுக்கு பெருமை சேர்க்க முடியும். விளையாட்டு துறைகளில் வெற்றிமேல் வெற்றிகள் குவியும். பெற்றோர், ஆசிரியர்கள் மற்றும் நல்ல நண்பர்களின் நட்பு நற்பெயரை பெற்று தரும். கல்விக்காக வெளியூர் வெளிநாடுகளுக்கு செல்லும் வாய்ப்புகளும் உண்டாகும்.

அதிர்ஷ்டம் அளிப்பவை

எண் - 1,2,3,9 நிறம் - வெள்ளை, சிவப்பு கிழமை - ஞாயிறு, திங்கள்
கல் - மாணிக்கம் திசை - கிழக்கு தெய்வம் - சிவன்

inraiya rasipalan kanni

சனி பெயர்ச்சி ராசி பலன் கன்னி - Sani Peyarchi Rasi Palan for kanni in Tamil

உத்திரம் 2,3,4-ஆம் பாதங்கள், அஸ்தம், சித்திரை 1,2-ஆம் பாதங்கள்

பேச்சிலும் செயலிலும் பிறரைப் புண்படுத்தாமல் நிதானமுடனும், நேர்மையுடனும் வாழக் கூடிய பண்பு கொண்ட கன்னி ராசி நேயர்களே, புதனின் ராசியில் பிறந்த உங்களுக்கு ராசியாதிபதிக்கு நட்பு கிரகமான சனி இது நாள் வரை 4-ல் சஞ்சரித்து அர்த்தாஷ்டம சனி நடைபெற்றதால் பல வித இன்னல்களை சந்தித்து வந்தீர்கள். திருக்கணிதப்படி வரும் 24-01-2020 முதல் 17-01-2023 வரை பஞ்சம ஸ்தானமான 5-ஆம் வீட்டில் ஆட்சி பெற்று சஞ்சாரம் செய்ய உள்ளதால் உங்களுக்கு நிலவிய தேவையற்ற அலைச்சல்கள் குறையும். உடல் நிலையில் இருந்த பாதிப்புகள் படிப்படியாக மறைந்து அன்றாட பணிகளில் திறம்பட செயல்பட முடியும். சிலருக்கு வயிறு பாதிப்பு ஏற்படலாம் என்பதால் உணவு விஷயத்தில் கட்டுபாடுடன் இருப்பது நல்லது. குடும்பத்தில் மகிழ்ச்சியும் சுபிட்சமும் உண்டாகும். அசையும், அசையா சொத்து வகையில் இருந்த வம்பு வழக்குகள் ஒரு முடிவுக்கு வரும்.

தொழில் வியாபாரம் செய்பவர்களுக்கு போட்டிகள் குறைந்து நல்ல வாய்ப்புகள் தேடி வரும். கூட்டாளிகளும், தொழிலாளர்களும் ஒற்றுமையாக செயல்படுவதால் அபிவிருத்தியை பெருக்கி கொள்ள முடியும். உத்தியோகத்தில் இருப்பவர்களுக்கு நல்ல வாய்ப்புகளும், பதவி உயர்வுகளும் கிடைக்கும். புதிய வேலை தேடுபவர்களுக்கு தகுதிக்கேற்ப நல்ல வேலை கிடைக்கும். தேவையற்ற வீண் செலவுகள் குறைந்து பொருளாதார ரீதியாக ஏற்றங்கள் உண்டாகி சேமிப்பு பெருகும். வெளியூர், வெளிநாடுகளுக்கு செல்லும் வாய்ப்பும், பயணங்களால் அனுகூலமும் உண்டாகும். பூர்வீக சொத்து ரீதியாக பங்காளிகளிடம் தேவையற்ற கருத்து வேறுப்பாடுகள் ஏற்படலாம் என்பதால் உறவினர்களிடம் பேச்சில் கவனத்துடன் இருப்பது நல்லது. பிள்ளைகள் வகையில் சிறிது மன கவலை உண்டாகலாம் என்பதால் அவர்களை கையாள்வதில் பொறுமையுடன் செயல்பட்டால் குடும்பத்தில் சுபிட்சம் உண்டாகும்.

சனி 5-ல் சஞ்சரிக்கும் இக்காலங்களில் ஆண்டு கோளான குருபகவான் 20-11-2020 முதல் 20-11-2021 வரை 5-ஆம் வீட்டிலும், 13-04-2022 முதல் 22-04-2023 வரை 7-ஆம் வீட்டிலும் சஞ்சரிக்கவுள்ள காலத்தில் பொருளாதார ரீதியாக மேலும் அனுகூலமான பலன்கள் உண்டாகும். இருக்கும் கடன்கள் யாவும் குறையும். திருமண சுப காரியங்கள் கைகூடி மகிழ்ச்சி அளிக்கும். கணவன்- மனைவி இடையே அன்யோன்யம் அதிகரிக்கும். பிள்ளைகளால் இருக்கும் கவலை மறைந்து மகிழ்ச்சி ஏற்படும். புதிய முயற்சிகளில் எளிதில் வெற்றி கிடைக்கும். பல பெரிய மனிதர்களின் நட்பு கிட்டும். தெய்வ தரிசனங்களுக்காக பயணங்கள் மேற்கொள்வீர்கள்.

சர்ப கிரகமான கேது உங்கள் ராசிக்கு முயற்சி ஸ்தானமான 3-ல் வரும் 23-09-2020 முதல் 12-04-2022 வரை சஞ்சரிக்க இருப்பதும் உங்களது பலத்தை அதிகரிக்கும் அமைப்பு என்பதால் இக்காலங்களில் எதிர்பாராத அனுகூலங்கள் உண்டாகும். அதன் பின்பு வரும் 12-04-2022 முதல் 30-10-2023 வரை ஜென்ம ராசிக்கு 2-ல் கேது, 8-ல் ராகு சஞ்சரிக்க உள்ள காலத்தில் குடும்பத்தில் கணவன்- மனைவியிடையே தேவையில்லாத கருத்து வேறுப்பாடுகள் ஏற்படலாம் என்பதால் மனைவி மற்றும் உறவினர்களை அனுசரித்து செல்வது, பேச்சில் நிதானத்தை கடைபிடிப்பது நல்லது.

உடல் ஆரோக்கியம்

உடல் ஆரோக்கியம் சிறப்பாக இருக்கும். உணவு விஷயத்தில் கவனத்துடன் இருந்தால் பெரிய கெடுதிகள் ஏற்படாது. நீண்ட நாட்களாக மருத்துவ சிகிச்சைகளை எடுத்துக் கொண்டு இருப்பவர்களுக்கு உடல் நிலையில் முன்னேற்றம் ஏற்படும். எதிர்பாராத பயணங்களால் சற்றே அலைச்சல் ஏற்பட்டாலும் அனுகூலமான பலன்களை அடைவீர்கள். குடும்பத்தில் மகிழ்ச்சி தரகூடிய நிகழ்ச்சிகள் நடைபெற்று மனநிறைவை உண்டாக்கும்.

குடும்பம், பொருளாதார நிலை

குடும்பத்தில் மகிழ்ச்சியும், ஒற்றுமையும் நிலவும். எடுக்கும் முயற்சிகளில் வெற்றி கிட்டும். பொருளாதார நிலை மிக சிறப்பாக இருக்கும். வீடு மனை வாங்க கூடிய யோகம் உண்டாகும். மங்களகரமான சுபகாரியங்கள் கைகூடி மகிழ்ச்சி அளிக்கும். பிள்ளைகள் வழியில் சிறிது மன கவலை உண்டாகும். உற்றார் உறவினர்கள் சிறுசிறு பிரச்சினைகளை ஏற்படுத்தினாலும் உதவ வேண்டிய நேரத்தில் உதவி செய்வார்கள்.

கொடுக்கல்- வாங்கல்

கமிஷன் ஏஜென்ஸி மற்றும் கொடுக்கல்- வாங்கலில் அனுகூலமானப் பலன்கள் உண்டாகும். கொடுத்த வாக்குறுதிகளை காப்பாற்றுவதால் பெரிய மனிதர்களின் ஆதரவு கிடைக்கும். பெரிய தொகைகளை எளிதாக ஈடுபடுத்தி லாபம் அடைய முடியும். உங்களுக்குள்ள வம்பு வழக்குகளில் தீர்ப்பு சாதகமாக அமையும். கடன்கள் யாவும் குறையும்.

தொழில், வியாபாரம்

தொழில் வியாபாரம் செய்பவர்கள் எதிர்பார்த்த லாபங்களை அடைய முடியும். பெரிய மனிதர்களின் ஆதரவுகளால் தொழிலை அபிவிருத்தி செய்யும் நோக்கம் நிறைவேறும். நவீன கருவிகள் வாங்க அரசு வழியில் எதிர்பார்க்கும் உதவி கிட்டும். மறைமுக எதிர்ப்புகளும் போட்டி பொறாமைகளும் விலகும். கூட்டாளி மற்றும் தொழிலாளர்களின் ஒத்துழைப்பு மகிழ்ச்சி அளிக்கும்.

உத்தியோகம்

உத்தியோகஸ்தர்களுக்கு தடைப்பட்ட உயர்வுகளும், ஊதிய உயர்வுகளும் கிடைக்க பெற்று மன மகிழ்ச்சி உண்டாகும். எடுக்கும் பணிகளை சிறப்பாக செய்து முடித்து அதிகாரிகளின் பாராட்டுதல்களை பெறுவீர்கள். வெளியூர், வெளிநாடு சென்று பணிபுரிய விரும்புபவர்களின் விருப்பம் நிறைவேறும். புதிய வேலை தேடுபவர்களும் சிறப்பான வேலை வாய்ப்பினைப் பெறுவார்கள். உடன்பணிபுரிபவர்களின் ஒத்துழைப்புகளால் வேலைப்பளுவைக் குறைத்துக் கொள்ள முடியும்.

அரசியல்

அரசியல்வாதிகளின் பெயர் புகழ் பெருமை உயரும். வெளிவட்டார பழக்க வழக்கங்கள் அனுகூலம் தரும். மறைமுக வருவாய் பெருகும். எடுக்கும் முயற்சிகளில் வெற்றி பெற்று மக்களின் ஆதரவைப் பெறுவீர்கள் உங்கள் பேச்சிற்கு மக்களிடையே செல்வாக்கு அதிகம் ஏற்படும். உடனிருப்பவர்களின் மூலமும் சாதக பலன் உண்டாகும்.

விவசாயிகள்

பயிர் விளைச்சல் சிறப்பாக இருக்கும். போதிய நீர்வரத்தும் உண்டாகும். சந்தையில் விளைபொருளுக்கேற்ற விலை கிடைக்கும். பணவரவுகள் தேவைக்கேற்றபடி இருக்கும். குடும்பத்தில் சுப காரிய நிகழ்ச்சிகளும் கைகூடி மகிழ்ச்சி அளிக்கும். பூர்வீக சொத்துக்களால் சிறிது பிரச்சினை ஏற்படலாம் என்பதால் பங்காளிகளிடம் பேச்சில் பொறுமையுடன் இருந்தால் எதையும் சமாளிக்க முடியும்.

கலைஞர்கள்

புதிய வாய்ப்புகள் தேடிவரும். தடைப்பட்ட பணவரவுகள் கிடைக்கும். பொருளாதார நிலை உயரும். வெளிநாடு செல்லக்கூடிய வாய்ப்புகளும் உண்டாகும். இசை, பாடல் நடன துறைகளில் உள்ளவர்கள் சிறப்பான வாய்ப்புகளை பெற முடியும். பல பெரிய மனிதர்களின் தொடர்புகள் கிட்டும். பயணங்களால் அனுகூலம் உண்டாகும். சுகவாழ்வு, சொகுசு வாழ்விற்கு பஞ்சம் ஏற்படாது.

பெண்கள்

தடைப்பட்ட சுபகாரியங்கள் நிறைவேறும். புத்திர பாக்கியம் சிறப்பாக அமையும். குடும்பத்தில் மகிழ்ச்சி தரக்கூடிய நிகழ்ச்சிகள் நடைபெறும். பொருளாதார நிலை சிறப்பாக இருக்கும். எதிர்பாராத திடீர் தனவரவுகளும் உண்டாகும். வயிறு பாதிப்பு ஏற்படலாம் என்பதால் உடல் ஆரோக்கியத்தில் அக்கறை எடுத்து கொள்வது நல்லது. பணிபுரியும் பெண்களுக்கு உயர்வுகள் கிட்டும். வீடு மனை வாங்கும் யோகம் உண்டாகும்.

மாணவ- மாணவியர்

கல்வியில் நல்ல முன்னேற்றமும் உயர்வும் உண்டாகும். எடுக்கும் முயற்சிகளில் வெற்றி கிட்டும். விளையாட்டுத் துறைகளில் வெற்றி பெறுவீர்கள். பெற்றோர் ஆசிரியர்களின் ஆதரவு கிட்டும். நல்ல நண்பர்களின் சேர்க்கை நற்பலனை உண்டாக்கும். அரசு வழியில் எதிர்பார்த்துக் காத்திருந்த உதவிகள் தடையின்றிக் கிட்டும்.

அதிர்ஷ்டம் அளிப்பவை

எண் - 5,6,7,8 நிறம் - பச்சை, நீலம் கிழமை - புதன், சனி
கல் - மரகத பச்சை திசை - வடக்கு தெய்வம் - ஸ்ரீவிஷ்ணு

inraiya rasipalan thulam

சனி பெயர்ச்சி ராசி பலன் துலாம் - Sani Peyarchi Rasi Palan for thulam in Tamil

சித்திரை 3,4-ஆம் பாதங்கள், சுவாதி, விசாகம் 1,2,3-ஆம் பாதங்கள்

நேர்மையே குறிக்கோளாக கொண்டு தன்னம்பிக்கையுடன் செயல்படகூடிய ஆற்றல் கொண்ட துலாம் ராசி நேயர்களே, சுக்கிரனின் ராசியில் பிறந்த உங்களுக்கு இதுநாள் வரை 3-ல் சஞ்சரித்த சனி வரும் திருக்கணிதப்படி வரும் 24-01-2020 முதல் 17-01-2023 வரை சுக ஸ்தானமான 4-ஆம் வீட்டில் சஞ்சாரம் செய்ய இருப்பதால் உங்களுக்கு அர்த்தாஷ்டமச் சனி தொடங்குகிறது. இதனால் அலைச்சல் டென்ஷன்கள் அதிகரிக்கும். இருப்பதை அனுப்பிக்க இடையூறு சுகவாழ்வு பாதிப்படையும். உங்கள் ராசியாதிபதி சுக்கிரனுக்கு சனி நட்பு கிரகம் என்பதாலும் உங்கள் ராசிக்கு கேந்திர திரிகோன ஸ்தானமான 4, 5-க்கு சனி அதிபதியாகி மிக சிறந்த யோககாரகன் என்பதாலும் அதிக கெடுதலை ஏற்படுத்த மாட்டார். உடல் நிலையில் சோர்வு, மந்தநிலை, கை, கால் மூட்டுகளில் வலி போன்ற பாதிப்புகள் உண்டாகி மருத்துவ செலவுகளை ஏற்படுத்தும். நேரத்திற்கு உணவு உண்பது, தேவையற்ற பயணங்களை தவிர்த்து விடுவது உத்தமம். அசையா சொத்துக்கள் வாங்கும் விஷயங்களில் சிந்தித்து செயல்படுவது நல்லது. வண்டி வாகனங்கள் மூலமாக எதிர்பாராத செலவுகள் ஏற்படும். தொழில், வியாபாரம் செய்பவர்கள் பெரிய முதலீடுகளை ஈடுபடுத்தி செய்ய நினைக்கும் காரியங்களில் கவனத்துடன் செயல்படுவது நல்லது. கொடுக்கல்- வாங்கலில் பிறருக்கு முன் ஜாமீன் கொடுப்பதை தவிர்ப்பதன் மூலமாக தேவையற்ற பிரச்சினைகளில் இருந்து தப்பிக்கலாம். உத்தியோகத்தில் இருப்பவர்களுக்கு நல்ல வாய்ப்புகள் கிடைக்கும் யோகம், பொருளாதார நிலை சிறப்பாக இருக்கும் என்றாலும் வேலைபளு சற்று அதிகப்படியாக இருக்கும். சிலருக்கு திடீர் இடமாற்றங்கள் ஏற்பட்டு வெளியூர் செல்லும் சூழ்நிலை உண்டாகும்.

அர்த்தாஷ்டமச் சனியால் சிறுசிறு நெருக்கடிகள் உண்டாகும் என்றாலும் இக்காலங்களில் குரு பகவான் உங்கள் ராசிக்கு வரும் 20-11-2020 வரை 3-ஆம் வீட்டிலும், 20-11-2020 முதல் 20-11-2021 வரை 4-ஆம் வீட்டிலும், 13-04-2022 முதல் 22-04-2023 வரை 6-ஆம் வீட்டிலும் சஞ்சரிப்பதால் பொருளாதார ரீதியாக சிறிது சுனக்கத்தை ஏற்படுத்தும் அமைப்பு என்பதால் பண விஷயத்தில் சிக்கனத்துடன் இருப்பது ஆடம்பர செலவுகளை குறைப்பது நல்லது. குரு பகவான் பஞ்சம ஸ்தானமான 5-ஆம் வீட்டில் (கும்ப ராசியில்) 06-04-2021 முதல் 20-06-2021 வரையும் அதன் பின்பு 20-11-2021 முதல் 13-04-2022 வரை சஞ்சாரம் செய்ய உள்ள காலத்தில் பொருளாதார ரீதியாக அனுகூலப் பலனை அடைய முடியும். திருமண சுபகாரியங்களுக்கான முயற்சிகளில் சிறுசிறு இடையூறுக்குப் பின் அனுகூலப்பலன் உண்டாகும். சிலருக்கு புத்திர பாக்கியமும் கிடைக்கும். உற்றார் உறவினர்களை அனுசரித்து செல்வது, பேச்சில் நிதானத்தை கடைபிடிப்பது நல்லது.

தற்போது 3, 9-ல் சஞ்ரிக்கும் கேது, ராகு வரும் 23-09-2020 முதல் 12-04-2022 முடிய 2-ல் கேது, 8-ல் ராகு என சஞ்சரிக்க இருப்பதும், அதன் பின் 30-10-2023 முடிய ஜென்ம ராசியில் கேது, 7-ல் ராகு என சஞ்சரிக்க இருப்பதும் குடும்பத்தில் கணவன்- மனைவியிடையே தேவையற்ற கருத்து வேறுப்பாடுகள் ஏற்படுத்தும் என்பதால் மற்றவர்களை அனுசரித்து செல்வது நல்லது. கூட்டு குடும்பத்தில் உள்ளவர்கள் மிகவும் எச்சரிக்கையாக இருக்க வேண்டிய காலமாகும்.

உடல்ஆரோக்கியம்

உடல்நிலையில் சற்று மந்த நிலை, சோர்வு உண்டாகும் என்றாலும் பெரிய அளவில் கெடுதிகள் ஏற்படாது. தேவையற்ற பயணங்களைத் தவிர்த்தால் அலைச்சல்கள் சற்றே குறையும். ஆரோக்கியத்தில் கவனம் செலுத்த வேண்டியிருக்கும். குடும்பத்தில் உள்ளவர்களால் மருத்துவ செலவுகளை எதிர்கொள்ள நேரிடும். உணவு விஷயங்களில் சற்று கவனமுடன் நடந்து கொள்வது உத்தமம்.

குடும்பம் பொருளாதார நிலை

பொருளாதாரநிலை ஒரளவுக்கு திருப்தியளிக்கும். குடும்பத்தில் கணவன்- மனைவி இடையே கருத்து வேறுபாடுகள் தோன்றும் என்பதால் அனுசரித்து நடந்து கொண்டால் ஒற்றுமை சிறப்பாக இருக்கும். உறவினர்களிடம் பேசும் போது நிதானம் தேவை. சுபகாரிய முயற்சிகள் தடைகளுடன் நிறைவேறும். வீடு, வண்டி, வாகனம் மூலம் சுப செலவு உண்டாகும். கடன்கள் ஏற்படலாம் என்பதால் ஆடம்பர செலவுகளை குறைக்கவும்.

கொடுக்கல்- வாங்கல்

கமிஷன் ஏஜென்ஸி காண்டிராக்ட் போன்றவற்றில் எதிர்பார்க்கும் லாபத்தில் சில தடைகள் நிலவினாலும் பெரிய கெடுதிகள் ஏற்படாது. கொடுக்கல்- வாங்கல் சரளமான நிலையில் நடைபெறும். பெரிய தொகைகளை ஈடுபடுத்தும் போது கவனம் தேவை. பிறரை நம்பி வாக்குறுதி கொடுப்பது, முன்ஜாமீன் கொடுப்பது போன்றவற்றைத் தவிர்க்கவும்.

தொழில், வியாபாரம்

தொழில் வியாபாரத்தில் எதிர்பார்த்த லாபத்தை அடைய முடியும். அரசு வழியில் உதவிகள் கிட்டும். பெரிய முதலீடுகளில் செய்ய நினைக்கும் காரியங்களில் கவனம் தேவை. மறைமுக எதிர்ப்புகளும் போட்டிகளும் அதிகரித்தாலும் எதையும் சமாளித்து லாபம் அடைய கூடிய ஆற்றலைப் பெறுவீர்கள். பொருளாதார நிலை சிறப்பாக இருந்தாலும் அதிகப்படியான அலைச்சலால் நிம்மதி குறைவு, உடல் அசதி ஏற்படும்.

உத்தியோகம்

பதவி உயர்வுகளால் கூடுதல் பொறுப்புகள் ஏற்படும். எதிலும் சற்று நிதானமாக செயல்பட்டால் அதிகாரிகளின் ஆதரவுகளைப் பெற முடியும். உத்தியோகத்தில் வேலைபளு அதிகரித்தாலும் எடுக்கும் பணிகளை திறம்பட செய்து முடிப்பீர்கள். உடன் பணிபுரிபவர்களின் ஒத்துழைப்பு அவ்வளவு சிறப்பாக இருக்காது. மற்றவர்கள் வேலையை நீங்கள் எடுத்து செய்ய வேண்டி இருக்கும். பயணங்களால் அலைச்சல் ஏற்படும்.

அரசியல்

பேச்சில் நிதானத்தை கடைபிடிப்பது நல்லது. தலைவர்களின் ஆதரவுகள் கிடைத்தாலும் உடனிருப்பவர்களால் சில பிரச்சினைகளை எதிர்கொள்ள நேரிடும். கட்சி பணிகளுக்காக அடிக்கடி பயணங்கள் மேற்கொள்ள வேண்டி வருவதால் வீண் செலவுகள் அதிகரிக்கும். மக்களின் தேவையறிந்து செயல்பட்டால் அவர்களின் ஆதரவுகளை தொடர்ந்து பெற முடியும்.

விவசாயிகள்

பயிர் விளைச்சல் சுமாராகத்தான் இருக்கும். போட்ட முதலீட்டினை எடுக்க சற்று எதிர்நீச்சல் போட வேண்டியிருக்கும். பங்காளிகளிடம் தேவையற்ற கருத்து வேறுப்பாடுகள் ஏற்படும் என்பதால் பேச்சில் கவனத்துடன் இருப்பது நல்லது. கால்நடைகளால் எதிர்பார்த்த லாபம் கிடைக்கும். அசையும், அசையா சொத்து வழியில் சுப செலவுகள் ஏற்படும். சிக்கனமாக செயல்படுவது நல்லது.


கலைஞர்கள்


புதிய வாய்ப்புகள் தேடி வரும் என்றாலும் கையிலிருக்கும் வாய்ப்புகளை நழுவவிடாமல் பாதுகாத்துக் கொள்வது நல்லது. பணவரவுகள் நன்றாக இருந்தாலும் அதிகப்படியாக உழைக்க வேண்டி இருக்கும். கொடுத்த வாக்கினை காப்பாற்ற முடியாமல் போகும். ரசிகர்களின் ஆதரவு சிறப்பாக அமையும். வெளியூர், வெளிநாடு செல்லும் வாய்ப்புகளால் சற்றே அனுகூலம் உண்டாகும்.

பெண்கள்

தேவையற்ற அலைச்சல், டென்ஷன் ஏற்பட்டு இருப்பதை அனுபவிக்க இடையூறு உண்டாகும். அசையா சொத்துக்களால் வீண் செலவுகள் ஏற்படும். பொருளாதார நிலை சிறப்பாக இருந்தாலும் வீண் செலவுகள் உண்டாகும். முடிந்த வரை நெருங்கியவர்களை அனுசரித்து நடப்பதும், தேவையற்ற வாக்குவாதங்களை தவிர்ப்பதும் நல்லது. பணிபுரியும் பெண்களுக்கு பணியில் வேலைபளு அதிகரிக்கும்.

மாணவ- மாணவியர்

கல்வியில் மந்த நிலை உண்டாகக்கூடிய காலம் என்பதால் சற்று கவனமுடன் செயல்பட்டால் ஒரளவுக்கு அனுகூலங்களை பெற முடியும். விளையாட்டு போட்டிகளில் ஈடுபடும் போது கவனம் தேவை. தேவையற்ற நண்பர்களின் சகவாசத்தை தவிர்ப்பது நல்லது. பெற்றோர் ஆசிரியர்களின் ஆதரவு சிறப்பாக இருக்கும்.

அதிர்ஷ்டம் அளிப்பவை

எண் - 4,5,6,7,8 நிறம் - வெள்ளை, பச்சை கிழமை - வெள்ளி, புதன்
கல் - வைரம் திசை - தென் கிழக்கு தெய்வம் - லக்ஷ்மி

inraiya rasipalan viruchigam

சனி பெயர்ச்சி ராசி பலன் விருச்சிகம் - Sani Peyarchi Rasi Palan for viruchigam in Tamil

விசாகம் 4-ஆம் பாதம், அனுஷம், கேட்டை

எந்த எதிர்ப்புக்கும் அஞ்சாமல் எடுக்கும் முயற்சிகளில் அயராது பாடுபடக்கூடிய ஆற்றல் கொண்ட விருச்சிக ராசி நேயர்களே, செவ்வாய் ராசியில் பிறந்த நீங்கள் இயற்கையிலே எதிலும் துனிவுடன் செயல்படும் குணம் கொண்ட உங்களுக்கு இதுநாள் வரை ஏழரைச்சனி நடைபெற்றதால் பல்வேறு வகையில் நெருக்கடிகளை சந்தித்து வந்தீர்கள். தற்போது 2-ல் சஞ்சரிக்கும் சனி திருக்கணிதப்படி வரும் 24-01-2020 முதல் 17-01-2023 வரை முயற்சி ஸ்தானமான 3-ஆம் வீட்டில் ஆட்சி பெற்று சஞ்சாரம் செய்ய உள்ளதால் கடந்த ஏழரை ஆண்டுகளாக நடைபெற்று வந்த ஏழரைச்சனி முழுமையாக முடிவடைகிறது. இதனால் இதுவரை உங்கள் வாழ்வில் இருந்து வந்த நெருக்கடிகள் பிரச்சினைகள் அனைத்தும் விலகி தொட்ட தெல்லாம் பொன்னாகும். பணவரவுகள் சிறப்பாக இருப்பதால் அனைத்து தேவைகளும் தடையின்றி பூர்த்தியாகும். எதிர்பாராத தன வரவுகளும் ஏற்பட்டு கடன் பிரச்சினைகள் படிப்டியாக விலகும். குடும்பத்தில் மகிழ்ச்சியும் சுபிட்சமும் நிலவும். உடல் ஆரோக்கியம் மேன்மை அடைவதால் மருத்துவ செலவுகள் குறையும். திருமண சுபகாரியங்கள் தடபுடலாக நிறைவேறி மன நிறைவை உண்டாக்கும். சிறப்பான குழந்தை பாக்கியமும் அமையும்.

உத்தியோகத்தில் எதிர்பார்த்த பதவி உயர்வுகள் கிடைக்கும். புதிய வேலை தேடுபவர்களுக்கு தகுதிக்கேற்ற வேலை வாய்ப்பு அமையும். வெளியூர், வெளிநாடுகளுக்கு சென்று பணிபுரிய விரும்புபவர்களின் விருப்பம் நிறைவேறும். தொழில் வியாபாரம் செய்பவர்களுக்கு இருந்த போட்டிகள் குறையும். புதிய வாய்ப்புகள் கிடைக்கும். வேலை ஆட்களால் சிறப்பான ஆதாயங்கள் உண்டாகும். தொழிலை விரிவுபடுத்த முடியும். பூர்வீக சொத்து விஷயங்களில் இருந்த வம்பு வழக்குகளில் தீர்ப்பு உங்களுக்கு சாதகமாக அமையும். பொன் பொருள் சேரும். வீடு மனை, வண்டி, வாகனம் வாங்கும் யோகம் உண்டாகும்.

சனி 3-ல் சஞ்சரித்து அற்புதமான பலன்களை அள்ளித்தரும் இக்காலங்களில் குருபகவானும் வரும் 20-11-2020 வரை தன ஸ்தானமான 2-ஆம் வீட்டில் சஞ்சாரம் செய்வதும், 13-04-2022 முதல் 22-04-2023 வரை 5-ஆம் வீட்டில் சஞ்சாரம் செய்வதும் உங்கள் பலத்தை மேலும் அதிகரிக்கும் அமைப்பாகும். இக்காலங்களில் மேலும் மகிழ்ச்சியான நிகழ்வுகள் குடும்பத்தில் நடந்து மகிழ்ச்சி ஏற்படும்.

வரும் 23-09-2020 முடிய கேது 2-ல், ராகு 8-ல் சஞ்சரிப்பதும், அதனை தொடர்ந்து வரும் 23-09-2020 முதல் 12-04-2022 முடிய ஜென்ம ராசியில் கேது, 7-ல் ராகு சஞ்சரிக்க இருப்பதும் குடும்பத்தில் ஒற்றுமை குறைவை ஏற்படுத்தும் அமைப்பு என்பதால் பேச்சில் நிதானத்தை கடைபிடிப்பது நல்லது. கணவன்- மனைவியிடையே ஒன்றும் இல்லாத விஷயத்திற்கு கருத்து வேறுபாடுகள் ஏற்படும் காலம் என்பதால் விட்டு கொடுத்து செல்வது நல்லது.

உடல் ஆரோக்கியம்

உடல் நிலை மிக அற்புதமாக இருக்கும். கடந்த காலங்களில் இருந்த பிரச்சினைகள் படிப்படியாக குறையும். மருத்துவ செலவுகள் மறைந்து புதுப் பொலிவுடன் காட்சி அளிப்பீர்கள். நெருங்கியவர்களிடையே இருந்த கருத்து வேறுபாடுகள் விலகி ஒற்றுமை நிலவுவதால் மனமகிழ்ச்சி உண்டாகும். குடும்பத்தில் உள்ளவர்களும் சுபிட்சமாக இருப்பார்கள். எந்த காரியத்தையும் எளிதில் செய்து முடிக்கும் அளவிற்கு சுறுசுறுப்புடன் திகழ்வீர்கள்.

குடும்பம் பொருளாதார நிலை

குடும்பத்தில் தாராள தன வரவுகளால் எல்லா தேவைகளும் பூர்த்தியாகும். வீடு, வாகனம் வாங்கும் யோகம் உண்டாகும். உற்றார், உறவினர்கள் ஆதரவு சிறப்பாக அமையும். தடைப்பட்ட சுபகாரியங்கள் கைகூடும். சிறப்பான புத்திர பாக்கியத்தை பெறுவர். பொருளாதார நிலை மேம்படும். குடும்பத் தேவைகள் அனைத்தும் பூர்த்தியாகும். சர்ப கிரகங்கள் சாதகமற்று இருப்பதால் கணவன்- மனைவியிடையே விட்டு கொடுத்து செல்வது பேச்சில் நிதானமாக இருப்பது நல்லது.

கொடுக்கல்- வாங்கல்

கமிஷன் ஏஜென்ஸி காண்ராக்ட் போன்றவற்றில் எதிர்பார்க்கும் லாபம் கிடைக்கும். கொடுக்கல்- வாங்கல் சரளமாக நடைபெற்று ஏற்றம் உண்டாகும். கொடுத்த வாக்குறுதிகளை காப்பாற்ற முடியும். பெரிய தொகைகளையும் எளிதில் ஈடுபடுத்தி லாபம் காண்பீர்கள். உங்களுக்குள்ள வம்பு வழக்குகளில் தீர்ப்பு சாதகமாக இருக்கும். கடன்கள் யாவும் குறையும்.

தொழில், வியாபாரம்

தொழில் வியாபாரம் செய்பவர்களுக்கு கடந்த கால நெருக்கடிகள் மறைந்து முன்னேற்றமும் லாபமும் உண்டாகும். புதிய தொழில் தொடங்கும் முயற்சிகளில் வெற்றி கிடைக்கும். தொட்டதெல்லாம் துலங்க கூடிய பொற்காலமாக அமையும். வெளியூர் வெளிநாடு மூலம் அனுகூலம் உண்டாகும். புதிய வாய்ப்புகளும் தேடி வரும். அரசு வழியில் சாதகமான பலன்கள் கிடைக்கும். புதிய கூட்டாளிகள் சேர்ந்து உதவியாக இருப்பார்கள்.

உத்தியோகம்

தடைபட்ட உயர்வுகள் கிடைக்கப் பெற்று உங்கள் கனவுகள் நனவாகும். உங்கள் திறமைகளுக்கு தகுந்த பாராட்டுதல்கள் கிடைப்பதால் மகிழ்ச்சி கடலில் நீந்துவீர்கள். அதிகாரிகளின் ஆதரவுகளும் உடன் பணிபுரிபவர்களின் ஒத்துழைப்புகளும் வேலை பளுவை குறைத்துக் கொள்ள உதவும். எதிர்பார்த்த இடமாற்றங்கள் கிடைத்து குடும்பத்துடன் இணையும் அமைப்பு, மன நிம்மதி ஏற்படும். செய்யும் பணிக்கேற்றபடி பாராட்டுதல்களும் கிடைக்கும். பெயர், புகழை உயர்த்திக் கொள்ள முடியும்.

அரசியல்

உங்களுக்கு இது பொற்காலம் என்றே சொல்லலாம். எதிர்பார்க்கும் மாண்புமிகு பதவிகள் எளிதில் கிடைக்கும். எடுக்கும் முயற்சிகளை சிறப்பாக செய்து முடித்து ஏற்றங்கள் உண்டாகும். மறைமுக வருவாய் பெருகும். மக்களின் ஆதரவு சிறப்பாக இருப்பதால் பெயர் புகழுக்கு பஞ்சம் இருக்காது. பொருளாதார நிலை மிக சிறப்பாக இருக்கும்.

விவசாயிகள்

பயிர் விளைச்சல் சிறப்பாக இருக்கும். பட்ட பாட்டிற்கான பலனை தடையின்றிப் பெற முடியும். பணவரவுகளில் இருந்த தேக்கம் முற்றிலும் விலகும். புதிய வழிமுறைகளைக் கையாண்டு நல்ல விளைச்சலை பெருக்க முடியும். அரசு வழியில் எதிர்பார்க்கும் உதவிகள் தடையின்றி கிடைக்கும். அசையும் அசையா சொத்துகளை வாங்குவீர்கள். கடன்கள் யாவும் பைசலாகும். பங்காளிகளிடம் ஒற்றுமை அதிகரிக்கும்.

கலைஞர்கள்

உங்களுக்கு இருந்த தடைகள் எல்லாம் விலகி எதிர்பார்க்கும் கதாபாத்திரங்கள் கிடைத்து உங்கள் கனவுகள் நிறைவேறும். புதிய பட வாய்ப்புகள் தேடி வந்து குவியும். பல ஒப்பந்தங்களில் கையெழுத்திடுவீர்கள். ரசிகர்களின் ஆதரவு மகிழ்ச்சியளிக்கும். வெளிநாடு செல்லும் வாய்ப்பு அமையும்.

பெண்கள்

உடல் ஆரோக்கியம் சிறப்பாக இருப்பதால் அன்றாட பணிகளில் சுறுசுறுப்புடன் ஈடுபடுவீர்கள். நினைத்தவரை கைபிடிக்கும் யோகம் கிட்டும். குடும்பத்தில் மகிழ்ச்சியும் ஒற்றுமையும் நிலவும். பொருளாதார உயர்வுகளால் குடும்ப தேவைகள் பூர்த்தியாகும். பிரிந்த உறவுகள் ஒன்று கூடி மகிழ்ச்சியை ஏற்படுத்தும். தடைப்பட்ட புத்திர பாக்கியத்தை பெற்று மன மகிழ்ச்சியை அடைவீர்கள். பணிபுரியும் பெண்களுக்கு பதவி உயர்வும், ஊதிய உயர்வும் கிடைக்கும்.

மாணவ- மாணவியர்

கல்வியில் நல்ல முன்னேற்றம் ஏற்படக் கூடிய காலமாகும். பல சாதனைகள் செய்து அனைவரின் பாராட்டுதல்களையும் பெறுவீர்கள். எடுக்கும் முயற்சிகள் அனைத்திலும் வெற்றி கிட்டும். வெளியூர், வெளிநாடு சென்று பயிலும் வாய்ப்பு உண்டாகும். பேச்சு போட்டி கட்டுரை போட்டிகளில் பரிசுகளை தட்டிச் செல்வீர்கள்.

அதிர்ஷ்டம் அளிப்பவை

எண் - 1,2,3,9 நிறம் - ஆழ்சிவப்பு, மஞ்சள், கிழமை - செவ்வாய், வியாழன்
கல் - பவளம், திசை - தெற்கு தெய்வம் - முருகன்

inraiya rasipalan thanus

சனி பெயர்ச்சி ராசி பலன் தனுசு - Sani Peyarchi Rasi Palan for thanus in Tamil

மூலம், பூராடம், உத்திராடம் 1-ஆம் பாதம்

ஒழுக்கமும், நெறிதவறாத பண்பும், பெரியவர்களுக்கு கீழ்படிந்து நடக்கும் ஆற்றலும் கொண்ட தனுசு ராசி நேயர்களே! குரு பகவான் ராசியில் பிறந்த உங்களுக்கு இதுவரை உங்கள் ஜென்ம ராசியில் சஞ்சரித்த சனி பகவான் திருக்கணிதப்படி வரும் 24-01-2020 முதல் 17-01-2023 வரை குடும்ப ஸ்தானமான 2-ஆம் வீட்டில் சஞ்சாரம் செய்ய இருப்பதால் உங்களுக்கு ஏழரை சனியில் ஜென்மச்சனி முடிவடைந்து பாதச்சனி தொடங்குகிறது. இதன் மூலம் ஏழரைச்சனியில் முதல் 5 வருடங்கள் முடிகிறது. உடல் ஆரோக்கிய ரீதியாக சற்று மந்த நிலை சோர்வு இருந்தாலும் எதிலும் துணிவுடன் செயல்பட்டு அடைய வேண்டிய இலக்கை அடைந்து விடுவீர்கள். கடந்த காலங்களில் இருந்த பெரிய பிரச்சினைகள் யாவும் படிப்படியாக மறைந்து முன்னேற்றம் உண்டாகும்.

பொருளாதார நிலை ஒரளவுக்கு சாதகமாக இருந்து உங்கள் அனைத்து தேவைகளும் பூர்த்தியாகும் என்றாலும் முடிந்த வரை ஆடம்பர செலவுகளை குறைப்பது நல்லது. கொடுக்கல்- வாங்கல் போன்றவற்றில் பெரிய தொகைகளை பிறருக்கு கடனாக கொடுப்பதை தவிர்ப்பது உத்தமம். குடும்பத்தில் தேவையில்லாத கருத்து வேறுபாடுகள் ஏற்பட கூடிய காலம் என்பதால் கணவன்- மனைவி இடையே விட்டு கொடுத்து செல்வது, உற்றார் உறவினர்களிடம் பேச்சில் நிதானத்தை கடைபிடிப்பது, தேவையின்றி பிறர் விஷயங்களில் தலையீடு செய்யாதிருப்பது உத்தமம்.

தொழில், வியாபார ரீதியாக இருந்த தேக்க நிலை சற்று மறைந்து ஏற்றம் பெறுவீர்கள். அதிக முதலீடு கொண்ட செயல்களில் சற்று கவனமுடன் செயல்படுவது நல்லது-. சில போட்டிகளையும் மந்தமான சூழ்நிலைகளையும் சந்தித்தாலும் எதிர்நீச்சல் போட்டாவது அடைய வேண்டிய லாபத்தை பெற்று விடுவீர்கள். உத்தியோகஸ்தர்கள் எதிர்பார்க்கும் பதவி உயர்வுகள் கிடைக்கும் என்றாலும் வேலைபளு அதிகப்படியாக இருக்கும். மற்றவர்கள் செய்ய வேண்டிய வேலையை கூட நீங்கள் செய்யும் சூழ்நிலை உண்டாகும். புதிய வேலை தேடுபவர்கள் கிடைக்கும் வாய்ப்புகளை பயன்படுத்தி கொள்வது நல்லது.

சனி குடும்ப ஸ்தானத்தில் சஞ்சரிக்கும் இக்காலங்களில் குரு பகவான் குடும்ப ஸ்தானமான 2-ஆம் வீட்டில் 20-11-2020 முதல் 20-11-2021 வரை சஞ்சாரம் செய்ய இருப்பது அனுகூலமான அமைப்பு என்பதால் இக்காலங்களில் பொருளாதார நிலை மிக சிறப்பாக இருக்கும். குடும்பத்தில் மங்களகரமான சுபகாரிங்கள் கைகூடும். ஏழரைச்சனி நடக்கும் இக்காலத்தில் வரும் 23-09-2020 வரை ஜென்ம ராசியில் கேது, 7-ல் ராகு சஞ்சரிப்பதால் கணவன்- மனைவி இடையே அனுசரித்து செல்வது நல்லது. சர்ப கிரகமான ராகு உங்கள் ராசிக்கு 6-ல் 23-09-2020 முதல் 12-04-2022 முடியவும், கேது உங்கள் ராசிக்கு லாப ஸ்தானமான 11-ல் வரும் 12-04-2022 முதல் 30-10-2023 முடிய சஞ்சரிக்க இருப்பதும் சாதகமான அமைப்பு என்பதால் எதிர்பாராத பொருளாதார உதவிகள் கிடைத்து இருக்கும் நெருக்கடிகள் குறைந்து எதையும் சமாளிக்கும் ஆற்றல் உண்டாகும்.

உடல்ஆரோக்கியம்

உடல் ஆரோக்கியம் சற்று சாதகமாக இருக்கும் என்றாலும் அதிக அலைச்சலால் தூக்கமின்மை, உடல்நிலையில் சோர்வு, ஞாபகமறதி போன்றவை ஏற்படும். தேவையற்ற பயணங்களை தவிர்த்தால் அலைச்சல்கள் குறையும். குடும்பத்தில் உள்ளவர்களால் வீண் மருத்துவச் செலவுகள், மன நிம்மதி குறைவு ஏற்படும். புத்திர வழியில் சிறிது சுப செலவுகள் ஏற்படும். பேச்சில் நிதானத்தைக் கடைப்பிடிப்பது மூலம் மன உளைச்சலைத் தவிர்க்கலாம்.

குடும்பம் பொருளாதார நிலை

கணவன்- மனைவி அனுசரித்து நடந்து கொண்டால் குடும்ப ஒற்றுமை சிறப்பாக இருக்கும். உறவினர்களிடையே சிறுசிறு கருத்து வேறுபாடுகள் தோன்றும் என்பதால் பேச்சில் கவனமாக இருப்பது நல்லது. சுப காரிய முயற்சிகள் தடையுடன் நிறைவேறும். பணவரவுகள் சுமாராக இருப்பதாலும் எதிர்பாராத உதவிகள் கிடைப்பதாலும் குடும்பத் தேவைகளை பூர்த்திசெய்து விட முடியும். ஆடம்பர செலவுகளை குறைத்துக் கொள்வதால் கடன்களை தவிர்க்கலாம்.

கொடுக்கல்- வாங்கல்

கமிஷன் ஏஜென்ஸி காண்டிராக்ட் போன்றவற்றில் ஓரளவுக்கு லாபங்கள் கிடைக்கும். பணவரவுகளில் ஏற்ற இறக்கமான நிலையே இருக்கும் என்பதால் பெரிய முதலீடுகளை எதிலும் ஈடுபடுத்தாது இருப்பது நல்லது. கொடுக்கல்- வாங்கலில் நம்பியவர்களே துரோகம் செய்வார்கள். கொடுத்த வாக்குறுதிகளை காப்பாற்ற முடியும். உங்களுக்குள்ள வம்பு, வழக்குகளில் ஒரளவுக்கு சாதகமான நிலை ஏற்படும்.

தொழில், வியாபாரம்

தொழில் வியாபாரம் செய்பவர்கள் சிறுசிறு சங்கடங்களை சந்திக்க நேர்ந்தாலும் எதையும் சமாளிக்க கூடிய ஆற்றல் உண்டாகும். எதிர்பார்த்த கடனுதவிகள் தாமதப்பட்டாலும் தக்க சமயத்தில் கிடைக்கும். அரசு வழியில் தேவையற்ற பிரச்சினைகளை எதிர்கொள்ள நேரிடும். தொழலாளர்களின் ஒத்துழைப்பை பெற அவர்களை சற்று அனுசரித்து நடந்து கொள்வது நல்லது. எதிலும் எதிர் நீச்சல் போட்டாவது முன்னேறி விடுவீர்கள்.

உத்தியோகம்

உத்தியோகஸ்தர்களுக்கு கடந்த கால பிரச்சினைகள் ஒரளவுக்கு குறையும். எதிர்பார்க்கும் உயர்வுகள் கிடைக்கப் பெற்றாலும் பதவி உயர்வுக்காக அதிக நேரம் உழைக்க நேரிடும். உழைப்பிற்கான பலனை அடைய இடையூறு உண்டாகும். உடன் பணிபுரிபவர்களை அனுசரித்து நடந்து கொள்வதால் எதையும் சமாளித்து முன்னுக்கு வர முடியும். சிலருக்கு எதிர்பாராத இட மாற்றங்களால் குடும்பத்தை விட்டு பிரிந்து வெளியூர் செல்ல நேரிடும்.

அரசியல்

அரசியல்வாதிகளின் பெயர், புகழ், உயரும் என்றாலும் பேச்சில் நிதானத்தை கடைபிடிப்பது நல்லது. கொடுத்த வாக்குறுதிகளை மக்களுக்கு நிறைவேற்றி கொடுப்பதில் சில தடைகளை சந்திக்க நேரிடும். தொண்டர்களின் ஆதரவு மகிழ்ச்சி அளிப்பதாக அமையும். பொருளாதாரம் உயரும். கட்சிப் பணிகளுக்காக நிறைய செலவுகள் செய்ய வேண்டியிருந்தாலும் மக்களின் ஆதரவும் மகிழ்ச்சியளிப்பதாக இருக்கும்.

விவசாயிகள்

பயிர் விளைச்சல் சுமாராகத் தான் இருக்கும். போதிய நீர்வரத்து இல்லாததால் பயிர்களை பாதுகாக்க அதிகம் செலவு செய்ய வேண்டிய சூழ்நிலை உண்டாகும். அரசு வழியில் எதிர்பார்க்கும் உதவிகள் கிடைக்கும். போட்ட முதலீட்டினை எடுக்கவே நிறைய உழைப்பினை மேற்கொள்ள நேரிடும். கடந்த கால பிரச்சனைகள் சற்று குறைந்து முன்னேற்றம் அடைவீர்கள்.

கலைஞர்கள்

கலைஞர்களுக்கு வாய்ப்புகள் சுமாராக அமையும் என்றாலும் பட வசூல் தயாரிப்பாளர்களுக்கு சாதகமாக அமையும், பொருளாதார நிலை ஓரளவுக்கு திருப்தி அளிக்கும். வெளியூர், வெளிநாடு செல்லும் வாய்ப்புகள் அமையும். சுகவாழ்வு, சொகுசு வாழ்வில் சிறுசிறு இடையூறுகள் உண்டாகும். ஆடம்பரச் செலவுகளை குறைத்துக் கொள்வது நல்லது.

பெண்கள்

பெண்களுக்கு தடைபட்ட சுபகாரியங்கள் கைகூடும். பொருளாதார நிலை ஓரளவுக்கு திருப்தியளிக்கும். குடும்பத்தில் உள்ளவர்களை அனுசரித்து நடப்பது உத்தமம். சிலருக்கு சிறப்பான புத்திரபாக்கியம் அமையும். வீடு மனை வாங்கும் முயற்சிகள் சில தடைகளுக்குப் பின் நிறைவேறும். கொடுக்கல்- வாங்கலில் சற்று கவனத்துடன் செயல்படுவது நல்லது. பணிபுரிவோருக்கு வேலைபளு சற்று அதிகரித்து காணப்படும்.

மாணவ- மாணவியர்

கல்வியில் சற்று மந்தநிலை உண்டாகக் கூடிய காலம் என்பதால் அதிக கவனம் எடுத்துக் கொள்வது நல்லது. எவ்வளவு தான் கஷ்டப்பட்டு படித்தாலும் மனதில் வைத்துக்கொள்ள முடியாத அளவிற்கு மனம் அலைபாயும். தேவையற்ற பொழுதுபோக்குகளை தவிர்ப்பது நல்லது. பெற்றோர் ஆசிரியர்களின் சொற்படி நடந்தால் அனுகூலமான பலன் கிடைக்கும்.

அதிர்ஷ்டம் அளிப்பவை

எண் - 1,2,3,9 நிறம் - மஞ்சள், பச்சை கிழமை - வியாழன், திங்கள்
கல் - புஷ்ப ராகம் திசை - வடகிழக்கு தெய்வம் - தட்சிணா மூர்த்தி

inraiya rasipalan makaram

சனி பெயர்ச்சி ராசி பலன் மகரம் - Sani Peyarchi Rasi Palan for makaram in Tamil

உத்திராடம் 2,3,4-ஆம் பாதங்கள், திருவோணம், அவிட்டம்1,2-ஆம் பாதங்கள்

இன்ப துன்பங்களை சமமாக ஏற்றுக் கொள்ளகூடிய மனத்தெளிவு கொண்ட மகர ராசி நேயர்களே, சனியின் ராசியில் பிறந்த உங்களுக்கு இதுநாள் வரை 12-ல் சஞ்சரித்த சனி பகவான் திருக்கணிதப்படி வரும் 24-01-2020 முதல் 17-01-2023 வரை ஜென்ம ராசியில் சஞ்சரிக்க உள்ளதால் உங்களுக்கு ஏழரைச் சனியில் ஜென்ம சனி தொடங்குகிறது. இதனால் நீங்கள் எதிலும் எச்சரிக்கையுடன் செயல்படுவது நல்லது. உடல் ஆரோக்கியத்தில் உண்டாக கூடிய பாதிப்புகளால் மருத்துவ செலவுகளை எதிர்கொள்ள நேரிடும். உணவு விஷயத்தில் கவனத்துடன் இருப்பது நல்லது. நீங்கள் நல்லதாக நினைத்து செய்யும் காரியங்களையும் மற்றவர்கள் தவறாக எடுத்து கொள்வார்கள் என்பதால் எதிலும் நிதானமாக செயல்படுவது சிறப்பு. ஏழரைச்சனி நடைபெற்றாலும் சனி உங்கள் ராசியாதிபதி என்பதால் பொருளாதார நிலை ஓரளவுக்கு சாதகமாக இருந்து உங்கள் தேவைகள் பூர்த்தியாகும். சிலருக்கு எதிர்பாராத திடீர் செலவுகளால் வீண் விரயங்கள் ஏற்பட்டு கடன் வாங்கும் நிலை ஏற்படும். கணவன்- மனைவி இடையே வாக்கு வாதங்கள் அதிகரித்தாலும் ஒற்றுமை குறையாது. தொழில் வியாபார ரீதியாக தேக்கமான நிலை பெருளாதார ரீதியாக நெருக்கடி இருந்தாலும் எதையும் சாமாளிக்கும் ஆற்றல் உண்டாகும். அதிக முதலீடு கொண்ட செயல்களை தவிர்ப்பது மிகவும் நல்லது. அப்படி செய்ய வேண்டிய சூழ்நிலை ஏற்பட்டால் உங்கள் பெயரில் செய்யாமல் மனைவி பெயரில் செய்வது சற்று நல்லது. உத்தியோகத்தில் இருப்பவர்களுக்கு பொருளாதார நிலை சற்று சுமாராக இருந்தாலும் வேலைபளு அதிகப்படியாக இருக்கும். உழைப்பிற்கான பலனை அடைய முடியாது. மேலதிகாரிகளிடம் பேசும் போது பேச்சில் நிதானமாக இருப்பது, கிடைக்கும் வாய்ப்புகளை பயன்படுத்தி கொள்வது நல்லது.

சனி ஜென்ம ராசியில் சஞ்சரிக்கும் இக்காலங்களில் ஆண்டு கோளான குருபகவான் உங்கள் ராசிக்கு தன ஸ்தானமான 2-ல் (கும்ப ராசியில்) 06-04-2021 முதல் 20-06-2021 வரையும் அதன் பின்பு 20-11-2021 முதல் 13-04-2022 வரை சஞ்சரிக்க உள்ள காலங்களில் உங்களது பொருளாதார நிலை மிகவும் சாதகமாக அமைந்து எந்தவிதமான பிரச்சினைகளையும் சமாளிக்கும் பலம் உண்டாகும், திருமணம் போன்ற சுபகாரியங்கள் எளிதில் கைகூடி குடும்பத்தில் மகிழ்ச்சி ஏற்படும். சர்ப கிரகமான ராகு உங்கள் ராசிக்கு 6-ல் வரும் 01-09-2020 வரையும், கேது 11-ல் வரும் 23-09-2020 முதல் 12-04-2022 வரையும் சஞ்சரிக்க இருப்பதன் மூலம் ஏழரைச்சனி நடைபெற்றாலும் எதிர்பாராத உதவிகள் கிடைத்து எதையும் எதிர்கொள்ளும் திறன் உண்டாகும். பொதுவாக பிறர் விஷயங்களில் தலையீடு செய்யாது இருப்பது மிகவும் நல்லது. பணவிஷயங்களில் நம்பியர்களே துரோகம் செய்வார்கள் என்பதால் பிறருக்கு வாக்குறுதி கொடுப்பது முன்ஜாமீன் கொடுப்பது போன்றவற்றை தவிர்க்கவும்.

உடல் ஆரோக்கியம்

உடல் ஆரோக்கியத்தில் அடிக்கடி சிறுசிறு பாதிப்புகள் ஏற்பட்டு மருத்துவ செலவுகள் உண்டாகும். நெருங்கியவர்களுக்கு உடல்நிலை பாதிப்புகள் உண்டாகி உங்களின் மனநிம்மதி குறையும். தூக்கமின்மை, சோர்வு, அஜீரணக் கோளாறுகள் ஏற்படும். சிலருக்கு வயிறு சம்பந்தமான பாதிப்புகளால் அறுவை சிகிச்சை செய்ய வேண்டிய சூழ்நிலை உண்டாகும். முன்கோபத்தைக் குறைப்பது, பேச்சில் நிதானத்தைக் கடைப்பிடிப்பது நல்லது.

குடும்ப பொருளாதார நிலை

கணவன்- மனைவியிடையே வீண் வாக்கு வாதங்கள் ஏற்படும் என்பதால் முடிந்த வரை அனைவரையும் அனுசரித்துச் செல்வது நல்லது. எந்தவொரு செயலிலும் பிறர் மனதை புண்படுத்தாது இருப்பதும் நற்பலனை உண்டாக்கும். உற்றார்- உறவினர்களால் நிம்மதியற்ற சூழ்நிலை காணப்படும். பொருளாதார நிலை சுமாராக இருக்கும் என்பதால் ஆடம்பர செலவுகளை குறைப்பது நல்லது. ஏற்படும் நெருக்கடிகளை சமாளிக்க கடன் வாங்க நேரிடும். சுப காரிய முயற்சிகளில் தடைகளுக்கு பின் சாதகப்பலன் உண்டாகும்.

கொடுக்கல்- வாங்கல்

பணவரவுகள் ஏற்ற இறக்கமாக இருக்கும் என்பதால் கொடுக்கல்- வாங்கலில் பெரிய தொகைகளை ஈடுபடுத்துவதைத் தவிர்க்கவும். கொடுத்த கடன்களை சில தடைகளுக்குப் பின்பு தான் திரும்பப் பெற முடியும். அதே போல் பண விஷயத்தில் பிறருக்கு வாக்குறுதி கொடுப்பது, முன்ஜாமீன் கொடுப்பது போன்றவற்றை தவிர்க்கவும். கமிஷன், ஏஜென்ஸி, காண்டிராக்ட் போன்றவற்றில் ஓரளவுக்கு லாபத்தை அடைய முடியும்.

தொழில், வியாபாரம்

செய்யும் தொழில் வியாபாரத்தில் நிறைய போட்டிகளை சந்திக்க வேண்டி வரும். இதனால் வரவேண்டிய வாய்ப்புகள் கைநழுவிப் போகும். கூட்டாளிகளின் ஒற்றுமையற்ற செயல் பாட்டினால் அபிவிருத்தி குறையும். தொழிலாளர்கள் தங்கள் பங்கிற்கு வீண் பிரச்சினைகளை ஏற்படுத்துவார்கள். அதிக முதலீடு கொண்ட செயல்களில் கவனமுடன் செயல்படுவது, அப்படி செய்ய வேண்டும் என்றால் உங்கள் பெயரில் செய்யாமல் இருப்பது நல்லது. அரசு வழியில் எதிர்பார்க்கும் உதவிகள் கிடைக்க தாமதம் உண்டாகும்.

உத்தியோகம்

உத்தியோகஸ்தர்களுக்கு எதிர்பாராத இடமாற்றங்கள் உண்டாகி வெளியூர் செல்ல நேரிடும். பொறுப்புகள் அதிகமாகி அதிக நேரம் பணிபுரிய நேரிடுவதால் உடல்நிலை சோர்வடையும். அலைச்சல் டென்ஷன் அதிகரிக்கும். அடிக்கடி விடுப்பு எடுக்க நேரிடுவதால் அதிகாரிகளின் அதிருப்திக்கு ஆளாக நேரிடும். ஆரோக்கியத்தில் அக்கறை எடுத்து கொள்வது, உணவு விஷயத்தில் கட்டுபாடுடன் இருப்பது நல்லது. கிடைக்கும் வாய்ப்புகளை நழுவ விடாமல் பாதுகாத்துக் கொள்வது நல்லது.

அரசியல்

உடனிருப்பவர்களிடம் விட்டுக் கொடுத்து நடப்பது நல்லது. கொடுத்த வாக்குறுதிகளைக் காப்பாற்றுவதில் தடைகள் ஏற்படும். மக்களின் ஆதரவை தக்க வைத்துக் கொள்ள அரும்பாடு படவேண்டி இருக்கும். கட்சிப் பணிகளுக்காக நிறைய வீண் செலவுகளும் உண்டாகும். புகழ், பெருமை மங்கக்கூடிய காலமாகும். எடுக்கும் காரியங்களை சரிவர செய்து முடிக்காதபடி இடையூறுகள் உண்டாகும்.

விவசாயிகள்

பயிர் விளைச்சல் எதிர்பார்த்த அளவிற்கு இருக்காது. போதிய நீர் இன்மையால் பயிர்கள் விளைச்சல் பாதிக்கும். போட்ட முதலீட்டினை எடுக்க முடியாது. பங்காளிகளிடம் தேவையற்ற கருத்து வேறுப்பாடுகள் உண்டாகும். அரசு வழியில் எதிர்பார்க்கும் மானிய உதவிகள் கிடைப்பதில் தாமத நிலை ஏற்படும். வங்கிக்கடன்கள் அதிகரிக்கும். கால் நடைகளால் எதிர்பாராத வீண் செலவுகள் ஏற்படும்.

கலைஞர்கள்

புதிய வாய்ப்புகள் கிடைப்பதில் நிறைய போட்டிகள் உண்டாகும். அதிக நேரம் உழைப்பதால் உடல் அசதி, சோர்வு உண்டாகும். வரவேண்டிய சம்பளத் தொகைகள் தாமதப்பட்டாலும் கிடைக்க வேண்டிய நேரத்தில் கிடைக்கும், எந்த வாய்ப்புகளையும் தவறவிடாமல் பயன்படுத்தி கொள்வது நல்லது. அடிக்கடி வெளியூர், வெளிநாடுகளுக்கு செல்லும் வாய்ப்புகளும் அதன் மூலம் ஒரளவுக்கு பொருளாதார மேன்மையும் உண்டாகும்.

பெண்கள்

உடல்நிலையில் வயிறு சம்மந்தப்பட்ட பிரச்சினைகள், கர்ப்பபை கோளாறுகள் உண்டாகும். கணவன்- மனைவியிடையே அடிக்கடி கருத்து வேறுபாடுகள் தோன்றி மறையும். விட்டுக் கொடுத்து நடந்துக் கொள்வது நல்லது. பணவரவுகள் ஏற்ற இறக்கமாக இருந்தாலும் செலவுகள் கட்டுக்குள் இருக்கும். புத்திர வழியில் சிறுசிறு நிம்மதிக் குறைவுகள் உண்டாகும். சுபகாரிய முயற்சிகள் சில தடைகளுக்குப் பின் நிறைவேறும். வீடு, மனை வாங்கும் முயற்சிகளால் கடன்கள் ஏற்படும்.

மாணவ- மாணவியர்

கல்வியில் மந்த நிலை ஏற்படக் கூடிய காலம் என்பதால் முழு ஈடுபாட்டினைச் செலுத்துவது நல்லது. எதிர்பார்த்த அளவிற்கு மதிப்பெண்களைப் பெற முடியாவிட்டாலும் தேர்ச்சியடையும் அளவிற்கு மதிப்பெண்கள் கிடைக்கும். பெற்றோர் ஆசிரியர்களின் அதிருப்திக்கு ஆளாக நேரிடும். அரசு வழியில் கிடைக்க வேண்டிய மானியத் தொகைகள் சற்று தாமதப்படும். தேவையற்ற நண்பர்களின் சகவாசத்தை தவிர்க்கவும்.

அதிர்ஷ்டம் அளிப்பவை

எண் - 5,6,8 நிறம் - நீலம், பச்சை கிழமை - சனி, புதன்
கல் - நீலக்கல் திசை - மேற்கு தெய்வம் - விநாயகர்

inraiya rasipalan kumbam

சனி பெயர்ச்சி ராசி பலன் கும்பம் - Sani Peyarchi Rasi Palan for kumbam in Tamil

அவிட்டம்3,4-ஆம் பாதங்கள் சதயம், பூரட்டாதி 1,2,3-ஆம் பாதங்கள்

உயர்ந்த பண்பும், பொறுமையும், பிறர் விஷயங்களில் அத்துமீறி தலையிடாத நற்குணமும் கொண்ட கும்பராசி நேயர்களே, இதுநாள் வரை லாப ஸ்தானமான 11-ல் சஞ்சரித்து வந்த உங்கள் ராசியாதிபதி சனி திருக்கணிதப்படி வரும் 24-01-2020 முதல் 17-01-2023 வரை விரய ஸ்தானமான 12-ல் மகர ராசியில் ஆட்சி பெற்று சஞ்சரிக்க உள்ளார். இதனால் உங்களுக்கு ஏழரைச் சனியில் விரயசனி தொடங்கி உள்ளது. கும்ப ராசியில் பிறந்த உங்களுக்கு சனி ராசியாதிபதி என்பதால் அதிக கெடுபலன்களை ஏற்படுத்த மாட்டார். உடல்நிலையில் சோர்வு, கை, கால் அசதி போன்றவை ஏற்பட்டாலும் அன்றாட பணிகளில் தெம்புடன் செயல்படும் ஆற்றல் உண்டாகும். உணவு விஷயத்தில் கட்டுபாடுடன் செயல்பட்டால் உடல் ஆரோக்கியத்தில் ஏற்படும் சிறுசிறு பாதிப்புகளை தவிர்க்க முடியும். அலைச்சல், டென்ஷன் அதிகரிக்க கூடும் என்பதால் தேவையற்ற பயணங்களை தவிர்த்து விடுவது உத்தமம். குடும்பத்தில் உண்டாக கூடிய கருத்து வேறுபாடுகளால் மன நிம்மதியற்ற நிலை உண்டாகும். நெருங்கியவர்களை மிகவும் அனுசரித்து செல்ல வேண்டிவரும்.

தொழில் வியாபாரத்தில் மந்தமான நிலைகளை சந்திக்க நேர்ந்தாலும் எதையும் சமாளிக்கும் ஆற்றல் உண்டாகும். எதிர்பாராத வீண் செலவுகள் கொடுக்கும். கடன்கள் ஏற்படும். தொழில் வியாபாரம் செய்பவர்கள் பெரிய முதலீடுகளை ஈடுபடுத்தி செய்ய நினைக்கும் காரியங்களில் சிந்தித்து செயல்படுவது முடிந்த வரை உங்கள் பெயரில் செய்யாமல் குடும்ப உறுப்பினர்கள் பெயரில் செய்வது நல்லது. உத்தியோகத்தில் இருப்பவர்களுக்கு வேலைபளு அதிகரிக்கும், உடன் பணிபுரியும் சக நண்பர்களை அனுசரித்து செல்வது நல்லது. எதிர்பார்க்கும் உயர்வுகள் கிடைக்க தாமத நிலை உண்டாவதோடு தேவையில்லாத இடமாற்றம் ஏற்படும். அதிகாரிகளின் ஆதரவு சற்று சாதகமாக இருப்பதாலும் பொருளாதார நிலை அனுகூலமாக இருப்பதாலும் மன நிம்மதி உண்டாகும்.

சனி விரயஸ்தானத்தில் சஞ்சரிக்கும் இக்காலங்களில் குருபகவானும் வரும் 20-11-2020 வரை லாப ஸ்தானமான 11-ஆம் வீட்டில் சஞ்சாரம் செய்வதும், வரும் 13-04-2022 முதல் 22-04-2023 வரை தன ஸ்தானமான 2-ஆம் வீட்டில் சஞ்சாரம் செய்வதும் சிறப்பான அமைப்பு என்பதால் இக்காலங்களில் எதிலும் சற்று அனுகூலமான பலனை பெறுவீர்கள். பொருளாதார நிலை சிறப்பாக இருந்து நெருக்கடிகள் குறையும். திருமண போன்ற சுப காரிய முயற்சிகளில் இருந்த தடை விலகி எளிதில் கைகூடும். சிலருக்கு புத்திரபாக்கியம் அமையும். எடுக்கும் முயற்சிகளில் வெற்றி கிட்டும். தொழில் உத்தியோக ரீதியாக நல்ல முன்னேற்றம் உண்டாகும். ஏழரைச்சனி நடக்கும் இக்காலத்தில் சர்ப கிரகமான கேது லாப ஸ்தானத்தில் 23-09-2020 வரை சஞ்சரிப்பதும், ராகு வரும் 12-04-2022 முதல் 30-10-2023 வரை முயற்சி ஸ்தானமான 3-ல் சஞ்சரிக்க இருப்பதும் சாதகமான அமைப்பு என்பதால் பொருளாதார ரீதியாக எதிர்பாராத உதவிகள் கிடைத்து உங்களுக்கு உள்ள பிரச்சினைகளை சமாளிக்கும் பலம் உண்டாகும்.

உடல்ஆரோக்கியம்

உடல் நிலையில் அடிக்கடி பாதிப்புகள் தோன்றி மருத்துவ செலவுகளை உண்டாக்கும் என்றாலும் அன்றாட பணிகளில் தெம்புடனேயே செயல்படுவீர்கள். குடும்பத்தில் உள்ளவர்களால் சிறுசிறு மருத்துவ செலவுகள் ஏற்படும். தேவையற்ற பயணங்களால் அலைச்சல் டென்ஷன்கள் ஏற்படும் என்பதால் முடிந்த வரை தூர பயணங்களில் கவனமுடன் இருப்பது நல்லது. முன்கோபத்தை குறைத்துக் கொள்வது நல்லது.

குடும்பம் பொருளாதார நிலை

குடும்பத்தில் உள்ளவர்களிடம் விட்டு கொடுத்து நடந்து கொண்டால் ஒற்றுமை சிறப்பாக அமையும். பணவரவுகள் சாதகமாக இருந்தாலும் வரவுக்கு மீறிய செலவுகள் ஏற்படும். தேவையற்ற நெருக்கடிகள் தோன்றுவதால் குடும்பத் தேவைகளை பூர்த்தி செய்ய கடன் வாங்க வேண்டியிருக்கும். முடிந்த வரை ஆடம்பரச் செலவுகளை குறைத்துக் கொள்வது நல்லது-. உற்றார் உறவினர்களை அனுசரித்துச் செல்ல வேண்டிய காலம் என்பதால் பேச்சில் நிதானத்தைக் கடைப்பிடிக்கவும்.

கொடுக்கல்- வாங்கல்

கமிஷன் ஏஜென்ஸி காண்டிராக்ட் போன்ற துறைகளில் ஒரளவுக்கு லாபம் காண முடியும். கொடுக்கல்- வாங்கலில் சற்று கவனமுடன் செயல்படுவது நல்லது. கொடுத்த வாக்குறுதிகளை காப்பாற்ற முடியாத சூழ்நிலைகள் உண்டாகும். பணவிஷயத்தில் நம்பியவர்களே துரோகம் செய்வார்கள். கொடுத்ததை கேட்டால் அடுத்தது பகை என்பது போலாகும். வீண் விரயங்கள் உண்டாகும். உங்களுக்கு ஏற்படக் கூடிய வீண் வம்பு, வழக்குகளில் இழுபறி நிலையே நீடிக்கும்.

தொழில், வியாபாரம்

தொழில் வியாபாரத்தில் மந்தமான நிலை நிலவினாலும் தேக்கமின்றி லாபம் காணமுடியும். புதிய தொழில் தொடங்கும் முயற்சிகளில் சில தடைகளுக்கு பின் அனுகூலப்பலன் உண்டாகும். தொழில் ரீதியாக மேற்கொள்ளும் பயணங்களால் அலைச்சல் ஏற்படும். கூட்டாளிகளிடமும், உடன்பணிபுரியும் தொழிலாளிகளிடமும் விட்டுக் கொடுத்து நடந்து கொள்வது உத்தமம். எதிலும் எதிர் நீச்சல் போட்டாவது முன்னேறி விடுவீர்கள்.

உத்தியோகம்

உத்தியோகத்தில் இருப்பவர்களுக்கு வேலைபளு அதிகரிப்பதுடன் கூடுதல் பொறுப்புகளும் ஏற்படுவதால் அதிக நேரம் உழைக்க வேண்டி வரும். பணயில் சற்று கவனமுடன் செயல்படுவது நல்லது. உடல் நலக்குறைவுகளால் அடிக்கடி விடுப்பு எடுக்க நேரிடும். உடன்பணிபுரிபவர்களின் ஒத்துழைப்பு சுமாராகத் தானிருக்கும். சில நேரங்களில் பிறர் செய்யும் தவறுகளுக்கும் பொறுப்பேற்க நேரிடும். புதிய வேலை தேடுபவர்கள் கிடைப்பதை பயன்படுத்திக் கொள்ளவும்.

அரசியல்

கட்சியில் எதிர்பாராத சிக்கல்களை சந்திக்க நேர்ந்தாலும் உங்கள் பேச்சுத் திறமையால் எதையும் சாதித்து விடுவீர்கள். எதிலும் சற்று எச்சரிக்கையுடன் நடந்துக் கொள்வது உத்தமம். மக்களின் தேவைகளை நிறைவேற்றி நற்பெயர் எடுப்பீர்கள். உடனிருப்பவர்களால் பெயர், புகழுக்கு, பங்கம் ஏற்படலாம். மேடைப் பேச்சுகளில் நிதானத்தைக் கையாள்வது நல்லது. எடுக்கும் முயற்சிகளில் சிறுசிறு தடைகளுக்குப் பின் வெற்றி கிட்டும்.

விவசாயிகள்

விவசாயிகளுக்கு மகசூல் பெருகி லாபங்கள் கிடைக்கும் என்றாலும் வேலையாட்கள் கிடைக்க சிரமம் உண்டாகும். நீர் வரத்து குறைவதால் பயிர் விளைச்சல் சற்று பாதிக்கும். நவீன கருவிகள் வாங்குவதற்காக கடன் வாங்க நேரிடும். உங்களிள் உடல் அசதியால் சரிவர பணிகளை செய்து முடிக்க முடியாது. எந்த விஷயத்திலும் சற்று சிந்தித்து செயல்படுவது நல்லது. பங்காளிகளை அனுசரித்து செல்வது மிகவும் நல்லது.

கலைஞர்கள்

நல்ல வாய்ப்புகள் கைநழுவிப்போனாலும் இருக்கும் வாய்ப்புகளை வைத்தே முன்னேறி விடுவீர்கள். இரவு பகலாக உழைக்க வேண்டியிருப்பதால் உடல்நிலை சற்று சோர்வடையும். வெளியூர், வெளிநாடு செல்லும் வாய்ப்பு உண்டாகும். போட்டிகள் அதிகரிக்கக்கூடிய காலம் என்பதால் அலைச்சல்களும் அதிகரிக்கும். வரவேண்டிய பணத்தொகைகள் சற்று இழுபறிக்குப்பின் கிடைக்கும். சேமிப்பு குறையும்.

பெண்கள்

பொருளாதார நிலை ஓரளவுக்கு திருப்தியளிக்கும். வரவுக்கு மீறிய வீண் செலவுகள் ஏற்படும் என்பதால் தேவையற்ற செலவுகளை குறைப்பது நல்லது. குடும்பத்தில் மகிழ்ச்சி தரக்கூடிய நிகழ்ச்சிகள் நடைபெறும். நெருங்கியவர்களை அனுசரித்து நடப்பது உத்தமம். ஆடை ஆபரணங்களும், நவீன பொருட்சேர்க்கைகளும் உண்டாகும். உடல் அசதி வயிறு பாதிப்புகள் ஏற்படும் என்பதால் ஆரோக்கியத்தில் அக்கறை எடுத்து கொள்வது நல்லது.

மாணவ- மாணவியர்

கல்வியில் கூடுதல் கவனம் செலுத்துவதன் மூலம் எதிர்பார்த்த மதிப்பெண்களை பெறலாம். விளையாட்டுப் போட்டிகளில் ஈடுபடும் போது சற்று கவனம் தேவை. தேவையற்ற நட்புகள் உங்களை வேறு பாதைக்கு இழுத்துச் செல்லும். பெற்றோர்கள் மற்றும் ஆசிரியர்களிடம் பேச்சில் கவனமாக இருப்பது நல்லது.

அதிர்ஷ்டம் அளிப்பவை

எண் - 5,6,8 கிழமை - வெள்ளி, சனி திசை - மேற்கு
கல் - நீலக்கல் நிறம் - வெள்ளை, நீலம் தெய்வம் - ஐயப்பன்

inraiya rasipalan meenam

சனி பெயர்ச்சி ராசி பலன் மீனம் - Sani Peyarchi Rasi Palan for meenam in Tamil

பூரட்டாதி 4-ஆம் பாதம், உத்திரட்டாதி, ரேவதி

கனிந்த பார்வையும், மலர்ந்த முகமும், கம்பீரமான தோற்றமும் கொண்ட மீன ராசி அன்பர்களே, பொன்னவன் என போற்றப்படும் குரு பகவான் ராசியில் பிறந்த உங்களுக்கு இதுநாள் வரை ஜீவன ஸ்தானத்தில் சஞ்சரித்து தொழில் உத்தியோக ரீதியாக தேவையற்ற பிரச்சனைகளை ஏற்படுத்தி வந்த சனிபகவான் திருக்கணிதப்படி வரும் 24-01-2020 முதல் 17-01-2023 வரை உங்கள் ராசிக்கு லாபஸ்தானமான 11-ல் ஆட்சி பெற்று சஞ்சரிக்க உள்ளதால் இதுவரை உங்களுக்கு இருந்த பிரச்சினைகள் அனைத்தும் பகலவனை கண்ட பனி போல விலகி விடும். உடல் ஆரோக்கியம் சிறப்பாக இருந்து எதிலும் சுறுசுறுப்பாக செயல்படுவீர்கள். கடந்த கால மருத்துவ செலவுகள் குறைந்து சேமிக்க முடியும். எதிர்பாராத திடீர் தனவரவுகள் கிடைக்கும். தற்போது உள்ள கடன்கள் எல்லாம் படிப்படியாக குறையும். அசையும் அசையா சொத்துக்கள் வாங்கும் வாய்ப்புகள் உண்டாகும். உங்களது செல்வம், செல்வாக்கு உயரும். குடும்பத்தில் சுபிட்சமான நிலை நிலவும், தொழில் வியாபாரத்தில் இருந்த பிரச்சினைகள் அனைத்தும் விலகி தொட்டதெல்லாம் லாபத்தை கொடுக்கும். புதிய தொழில் தொடங்க நினைப்பவர்களுக்கு இது பொன்னான காலமாகும். பெரிய முதலீடுகளை ஈடுபடுத்தி செய்ய நினைக்கும் காரியங்களில் அனுகூலமான பலனைப் பெற முடியும். உத்தியோகஸ்தர்களின் கனவுகள் அனைத்தும் நினவாகும். எதிர்பார்த்த உயர்வுகளையும், இடமாற்றங்களையும் தடையின்றி பெற முடியும். உயர் அதிகாரிகளின் பாராட்டுதல்களும் உடனிருக்கும் ஊழியர்களின் ஒத்துழைப்புகளும் வேலைபளுவை குறைக்கும். நீண்ட நாட்களாக வேலை தேடுபவர்களுக்கு நல்ல வாய்ப்புகள் கிடைக்கும். வெளியூர், வெளிநாடு சென்று பணிபுரிய விரும்புபவர்களின் விருப்பம் நிறைவேறும்.

சனி பகவான் சாதகமாக சஞ்சரிக்கும் இக்காலங்களில் குரு பகவான் லாப ஸ்தானமான 11-ஆம் வீட்டில் 20-11-2020 முதல் 20-11-2021 வரை சஞ்சாரம் செய்ய இருப்பது மிகவும் அனுகூலமான அமைப்பு என்பதால் மங்களகரமான சுபகாரியங்கள் எளிதில் கைகூடி மகிழ்ச்சி அளிக்கும். புரிந்து கொள்ளாமல் பிரிந்து சென்ற உறவினர்களும் தேடி வந்து ஒற்றுமை பாராட்டுவார்கள். கணவன்- மனைவி இடையே ஒற்றுமை அதிகரிக்கும். பூர்வீக சொத்து ரீதியாக இருந்த வழக்குகளில் தீர்ப்பும் உங்களுக்கு சாதகமாக கிடைக்கும். நீண்ட நாட்களாக குழந்தை பாக்கியம் இல்லாமல் இருந்தவர்களுக்கு நற்பலன் உண்டாகும். சர்ப்ப கிரகமான ராகு உங்கள் ராசிக்கு முயற்சி ஸ்தானமான 3-ல் வரும் 23-09-2020 முதல் 12-04-2022 முடிய சஞ்சரிக்க இருப்பது உங்கள் பலத்தை அதிகரிக்க கூடிய சிறப்பான அமைப்பாகும்,

உடல் ஆரோக்கியம்

உடல் ஆரோக்கியம் மிகவும் சிறப்பாக இருக்கும். புது தெம்பும் உற்சாகமும் ஏற்படும். நீண்ட நாட்களாக மருத்துவ சிகிச்சைகளை எடுத்துக் கொண்டிருப்பவர்களுக்கும் மருத்துவச் செலவுகள் குறையும். குடும்பத்தில் உள்ளவர்கள் சுபிட்சமாக இருப்பார்கள். எடுக்கும் காரியங்களில் எல்லாம் வெற்றி கிடைப்பதால் மனநிறைவும் மகிழ்ச்சியும் உண்டாகும். மங்களகரமான சுபகாரியங்கள் நடைபெற்று உங்களின் கடமைகளை நிறைவேறி திருப்தி ஏற்படும்.

குடும்பம் பொருளாதார நிலை

குடும்பத்தில் சுபிட்சமும், லஷ்மி கடாட்சமும், மகிழ்ச்சியும் நிறைந்திருக்கும். இதுவரை இருந்து வந்த கஷ்டங்கள் எல்லாம் இருந்த இடம் தெரியாமல் மறையும். கணவன்- மனைவியிடையே அன்யோன்யம் அதிகரிக்கும். உறவினர்கள் சாதகமாகச் செயல்படுவார்கள். மங்களகரமான சுபகாரியங்கள் தடபுடலாக நடந்தேறும். பொருளாதார நிலை திருப்திகரமாக அமைந்து வீடு மனை, வண்டி, வாகனம் வாங்கும் யோகம் உண்டாகும். பொன் பொருள், ஆடை ஆபரணம் சேரும்.

கொடுக்கல்- வாங்கல்

கொடுக்கல்- வாங்கலில் கடந்த காலங்களில் இருந்த பிரச்சினைகள் விலகும். பெரிய முதலீடுகளை எளிதில் ஈடுபடுத்தி லாபம் காணலாம். கொடுத்த கடன்களும் வீடு தேடி வரும். விரோதிகளும் நண்பர்களாவார்கள். நல்ல நட்புகளால் நற்பலன் கிடைக்கும். எதிர்பாராத தனவரவுகள் உண்டாகும். உங்களுக்குள்ள வம்பு, வழக்குகளில் சாதகப் பலன் கிட்டும். பங்காளிகள் ஒற்றுமையுடன் செயல்படுவார்கள். கொடுத்த வாக்குறுதிகளை காப்பாற்றுவதால் பெரிய மனிதர்களின் நட்பு கிட்டும்.

தொழில், வியாபாரம்

தொழில், வியாபாரத்தில் இதுவரை இருந்த போட்டிகள், மறைமுக எதிர்ப்புகள் யாவும் விலகி தொழில் மேன்மையடையும். கூட்டாளிகளிடையே இருந்த கருத்து வேறுபாடுகள் மறையும். புதிய தொழில் தொடங்க, பெரிய தொகைகளை ஈடுபடுத்தி அபிவிருத்தி செய்ய அற்புதமான காலமாகும். வெளியூர், வெளிநாட்டுத் தொடர்புகளும் லாபத்தை ஏற்படுத்தும். முதலாளி தொழிலாளி இடையே உள்ள உறவு திருப்திகரமாக அமைந்து மேலும் மேலும் முன்னேற்றத்தை உண்டாக்கும்.

உத்தியோகம்

உத்தியோகஸ்தர்களுக்கு செய்யும் பணியில் திருப்தியான நிலை இருக்கும். அதிகாரிகளின் ஆதரவுகள் மகிழ்ச்சியளிக்கும். திறமைக்கேற்ற பாராட்டுதல்கள் கிடைக்கும். எதிர்பார்க்கும் பதவி மற்றும் ஊதிய உயர்வுகள் கிட்டும். சிலருக்கு எதிர்பார்த்த இடமாற்றங்களும் கிடைக்கப்பெற்று குடும்பத்தோடு சேரும் அமைப்பு உண்டாகும். புதிய வேலை தேடுபவர்களும் தகுதிக்கேற்ற வேலை வாய்ப்பினைப் பெற்று உயர்வடைவார்கள்.

அரசியல்

பெயர், புகழ் உயரக்கூடிய காலமாக இருக்கும். மக்களின் ஆதரவு மகிழ்ச்சியளிக்கும். கொடுத்த வாக்குறுதிகளை தடையின்றிக் காப்பாற்ற முடியும். கட்சிப் பணிகளை சிறப்பாகச் செய்ய முடியும். கட்சி ரீதியாக மேற்கொள்ளும் பயணங்களால் அனுகூலம் உண்டாகும். எடுக்கும் காரியங்களில் எந்த வித பிரச்சனைகளும் இன்றி சாதனை செய்வீர்கள். வெளியூர், வெளிநாடு செல்லும் வாய்ப்பு உண்டாகும்.

விவசாயிகள்

பயிர் விளைச்சல் மிகச் சிறப்பாக இருக்கும். விளைப்பொருள்களுக்கு சற்று கூடுதலான விலை சந்தையில் கிடைக்கும். தாராள தனவரவுகளால் நவீன யுக்திகளைக் கையாள முடியும். அரசு வழியில் எதிர்பார்க்கும் மானிய உதவிகள் கிடைக்கும். வீடு, மனை, புதிய நிலம் போன்றவற்றையும் வாங்கிச் சேர்ப்பீர்கள். கடன்கள் குறையும். பங்காளி உடன் இருந்த கருத்து வேறுப்பாடுகள் விலகி ஒற்றுமை ஏற்படும்.

கலைஞர்கள்

புதிய வாய்ப்புகள் தேடி வந்து கதவைத்தட்டும். எதிர்பார்க்கும் கதாப்பாத்திரங்கள் கிடைக்கப்பெற்று உங்கள் கனவுகள் நனவாகும். நினைத்த அளவிற்கு உங்கள் திறமைகளை வெளிப்படுத்துவீர்கள். நீங்கள் நடித்தப் படங்கள் வசூலை வாரி வழங்குவதால் ரசிகர்களின் ஆதரவுப் பெருகும். பணவரவுகள் மிக சிறப்பாக இருக்கும். ஆடம்பர கார், பங்களா போன்றவற்றை வாங்குவீர்கள். சின்னத் திரையில் இருப்பவர்கள் எளிதில் ஜொலிக்க முடியும்.

பெண்கள்

உடல் ஆரோக்கியம் அற்புதமாக இருக்கும். கணவன்- மனைவியிடையே ஒற்றுமை பலப்படும். சிலருக்கு அழகான புத்திர பாக்கியம் கிட்டும். பொன், பொருள், ஆடை ஆபரணம் யாவும் சேரும். பணவரவுகள் சிறப்பாக அமைவதால் குடும்பத் தேவைகள் எளிதில் பூர்த்தியாகும். எடுக்கும் முயற்சிகளில் வெற்றி கிட்டும். மணமாகாதவர்களுக்கு திருமணமாகும். உறவினர்களின் ஆதரவு மகிழ்ச்சியளிக்கும். பணிபுரிபவர்களுக்கு தகுதிக்கேற்ற உயர்வுகள் கிடைக்கும். நெருங்கியவர்களால் அனுகூலமான பலன்கள் உண்டாகும்.

மாணவ மாணவியர்

கல்வியில் பல சாதனைகளைச் செய்ய முடியும். நல்ல மதிப்பெண்களைப் பெற்று பள்ளி கல்லூரிகளுக்கு பெருமை சேர்ப்பீர்கள். அரசு வழியில் எதிர்பார்க்கும் உதவிகள் தக்க சமயத்தில் கிடைக்கும். விளையாட்டு போட்டிகளில் பரிசுகளையும், பாராட்டுதல்களையும் பெற முடியும். நல்ல நட்புகளால் நற்பலன்கள் தேடி வரும். ஆசிரியர்களின் பாராட்டுதல்கள் மகிழ்ச்சியளிக்கும்.

அதிர்ஷ்டம் அளிப்பவை

எண் - 1,2,3,9 கிழமை - வியாழன், ஞாயிறு திசை - வடகிழக்கு
கல் - புஷ்பராகம் நிறம் - மஞ்சள், சிவப்பு தெய்வம் - தட்சிணாமூர்த்தி

Click the links to get சனி பெயர்ச்சி ராசி பலன் for mesam  rishbam  mithunam  kadagam  simmam  kanni  thulam  viruchigam  thanus  makaram  kumbam  meenam   rasi palan