கத்தரிக்காய் சாம்பார் | Brinjal Sambar

Updated On 08/09/2021

நமது மதிய வேளையில் நாம் விரும்பி சாப்பிடும் சாம்பார் வகைகளில் ஒன்று கத்தரிக்காய் சாம்பார். இதை புதுவிதமான முறையில் சமைத்து சுவைக்கலாம். சுவையான கத்திரிக்காய் சாம்பார் எப்படி செய்வது என்பதை பற்றி விரிவாக பார்க்கலாம்.

தேவையான பொருட்கள்:

  1. துவரம் பருப்பு – 250 கிராம்
  2. கத்தரிக்காய் – 5
  3. சின்ன வெங்காயம் – 100 கிராம்
  4. தக்காளி – 4
  5. பூண்டு – 6 பல்
  6. வெந்தயம் – 2 ஸ்பூன்
  7. சாம்பார்தூள் – 2 ஸ்பூன்
  8. மிளகாய்தூள் – 3 ஸ்பூன்
  9. உப்பு – தேவையான அளவு
  10. புளி – நெல்லிக்காய் அளவு
  11. மஞ்சள்தூள் – 1 ஸ்பூன்

தாளிக்க தேவையான பொருட்கள்

  1. எண்ணெய் – தேவையான அளவு
  2. கடுகு – 1 ஸ்பூன்
  3. உளுந்து  -1 ஸ்பூன்
  4. கடலைப்பருப்பு – 1 ஸ்பூன்
  5. கறிவேப்பிலை – சிறிதளவு
  6. வர மிளகாய் – 3

இந்த முருங்கைக்காய் சாம்பார் செய்து பாருங்கள்!!

செய்முறை:

  • பருப்பை தண்ணீரில் கழுவி குக்கரில் போட்டு அதனுடன் நறுக்கிய 2 தக்காளி மற்றும் பூண்டு சேர்த்து தேவையான அளவு தண்ணீர் சேர்த்து 3 விசில் விடவும். (பருப்பை குக்கரில் வேகவைக்காமல் தனியாக பாத்திரத்தில் வேகவைத்து சமைத்தல் இன்னும் சுவையாக இருக்கும்)
  • சின்ன வெங்காயம்,2 தக்காளி,கத்தரிக்காய் இவற்றை நறுக்கி வைத்துக் கொள்ளவும். கத்தரிக்காயின் மேல் காம்புடன் நறுக்கி தண்ணீரில் போட்டு வைக்கவும்.
  • இப்போது ஒரு வாணலியை அடுப்பில் வைத்து தேவையான அளவு எண்ணெய் ஊற்றவும். கடுகு, கடலைப்பருப்பு, உளுந்து சேர்த்து பொரிந்தவுடன் வெங்காயம், கறிவேப்பிலை, மிளகாய் சேர்த்து வதக்கவும்.
  • வெங்காயம் வதங்கியவுடன் நறுக்கிய தக்காளி மற்றும் உப்பு சேர்க்கவும்.
    தக்காளி வதங்கியவுடன் கத்தரிக்காயை சேர்த்து தேவையான அளவு மஞ்சள்தூள், சாம்பார்தூள், மிளகாய்தூள் சேர்த்து நன்றாக வதக்கவும். பின்பு புளியைக் கரைத்து ஊற்றவும்.
  • கத்தரிக்காய் வதங்கியவுடன் பருப்பைக் கடைந்து இதில் ஊற்றவும்.
    தேவையான அளவு தண்ணீர் சேர்த்து கொதிக்க விடவும்.
  • நன்றாக கொதித்தவுடன் உப்பு சரிபார்த்து, மல்லி இலை தூவி இரக்கவும்.

இப்போது சுவையான கத்தரிக்காய் சாம்பார் தயார். இதை சாதத்துடன் சேர்த்து சாப்பிட சுவையாக இருக்கும்.

ஐயர் வீட்டு சாம்பார் பொடி